काठमाडौं -दुबई पठाईदिन्छु भनेर ठगी गर्ने एक व्यक्ति पक्राउ परेका छन् । वैदेशिक रोजगारीमा दुबईकाे प्रतिष्ठित कम्पनीमा सुरक्षा गार्डकाको काम लगाइदिन्छु भनेर पटकपटक गरी जम्मा रु. ३,५०,०००/- (अक्षरुपी तीन लाख पचास हजार रुपैयाँ मात्र) रकम लिएर २६ वर्षीय मन बहादुर कुमाल सम्पर्कविहीन भएकाे उजुरीपछि पक्राउ परेका हुन् ।
सामाखुशी स्थित Euro Tech Consaltancy Pvt. Ltd. का मार्केटिङ मेनेजर कुमालले प्रेम बहादुर सुनारलाई वैदेशिक रोजगारीको लागि दुबई पठाईदिन्छु भनी दुबई जानको लागि रु. ३,००,०००/- ( अक्षेरुपी तीन लाख रुपैयाँ ) लाग्छ भनी ठगी गरेको अभियाेगमा प्रहरीले उनलाई पक्राउ गरेकाे हाे ।
उपत्यका अपराध अनुसन्धान कार्यालयका अनुसार जिल्ला तनहुँ भिमाद न.पा. वडा नं. २ स्थाई घर भई हाल का.जि.का.म.न.पा. वडा नं. २६ सामाखुशी स्थित कन्सल्टेन्सीका मार्केटिङ मेनेजरका रुपमा काम गर्दै आएका हुन् ।
दुबई पुगेपछि प्रतिष्ठित कम्पनीमा Security Guard को काम लगाइदिने र मासिक रु. ६०,०००/- भन्दा बढी तलब हुन्छ भनी विश्वास दिलाई प्रलोभनमा पारी निज पीडितबाट पटकपटक गरी जम्मा रु. ३,५०,०००/- (अक्षरुपी तीन लाख पचास हजार रुपैयाँ मात्र) रकम लिएकाे प्रेम बहादुर सुनारले बताएका छन् ।
वैदेशिक रोजगार विभागबाट यस कार्यालयमा पक्राउ गरी उपस्थित गराइदिन हुन भनी पत्राचार भएकोमा खटिएको विशेष प्रहरी टोलीले निज मन बहादुर कुमालको खोजतलास गर्ने क्रममा मिति २०८०।०१।१५ गते अं. १६:३० बजेको समयमा का.जि.का.म.न.पा. वडा नं. २६ नयाँ बसपार्कबाट पक्राउ गरी थप अनुसन्धान तथा कारवाहीको लागि वैदेशिक रोजगार विभाग बुद्धनगर, काठमाडौंले जनाएकाे हाे ।
प्रकाशित मिति: आइतबार, वैशाख १७, २०८० १५:५८
-1752335779.jpg)
