काठमाडाैं - वैदेशिक रोजगार विभागमा अनधिकृत व्यक्ति आएर हुल हुज्जत नगर्न विभागले आग्रह गरेको छ ।
वैदेशिक रोजगारीमा ठगीएका व्यक्ति/पीडितलाई न्याय दिने भन्दै अनधिकृत व्यक्ति आएर हुल हुज्जत नगर्न विभागले आग्रह गरेको हाे ।
वैदेशिक रोजगार पीडितलाई न्याय दिने भन्दै पछिल्लो समय विभिन्न व्यक्ति तथा समूह म्यानपावर कम्पनीमा गइ सञ्चालकमाथि आक्रमण गर्ने, विभागमा आएर दबाब सिर्जना गर्ने क्रम बढेको छ ।
यस विषयमा विभागले कानुन विपरीत अनधिकृत रुपमा त्यस्तो कार्य नगर्न भन्दै विज्ञप्ति जारी गरेको छ । विभागमै पनि हुल हुज्जत गर्ने र अनुसन्धान प्रक्रियालाई प्रभावित पार्ने गरी कार्य गर्ने गरेकाले त्यस्तो नगर्न विभागले आग्रह गरेको हो ।
वैदेशिक रोजगार ऐन २०६४ तथा वैदेशिक रोजगार नियमावली २०६४ मा वैदेशिक रोजगारीमा ठगिएकाहरुले विभाग वा जिल्ला प्रशासन कार्यालयमा उजुरी गर्न पाउने व्यवस्था छ ।
यसरी उजुरी गर्दा पीडित स्वं तथा नीजको नजिकको आधिकारिक व्यक्तिले गर्न सक्छन् ।यस्तो उजुरीमाथि विभागले आवस्यक अनुसन्धान गरी कारबाही प्रक्रिया अगाडि बढाउँछ ।
