काठमाडाैं - नेपाल वैदेशिक रोजगार व्यवसायी संघको अध्यक्षमा राजेन्द्र भण्डारी निर्वाचित भएका छन् । शुक्रबार सम्पन्न २९औं साधारणसभाले नयाँ नेतृत्वका लागि प्रगतिशील व्यावसायिक समूहका भण्डारीलाई नयाँ कार्यसमितिामा चयन गरेको हो ।
२९औं साधारणसभाबाट मलाई वैदेशिक रोजगारी व्यवसायीहरुको छाता संस्थाको अध्यक्षमा निर्वाचित गराएकोमा सबै व्यवसायीहरुमा आभार प्रकट गर्न चाहेकाे बताएका छन् ।
उनले जुन प्यानलबाट चुनाव लडेको भए पनि निर्वाचित भएपछि सबैको साझा भएको बताएका छन् । अब संघलाई साझा संस्थाको रुपमा अनुभूत हुनेगरी कार्यसम्पादन गर्ने उनले प्रभालाई बताएका छन् ।
'मेरो प्राथमिकता व्यवसायीको समस्या समाधान गर्ने हो । यो व्यवसायलाई मर्यादित र सम्मानित बनाउने हो ।' उनले भने , 'यसका लागि सबैसँग हातेमालो गर्दै अगाडि बढ्नेछु । व्यवसायलाई सम्मानित, मर्यादित र व्यवस्थित बनाउने सन्दर्भमा इमान्दारितापूर्वक काम गर्नेछु ।'
'मैले निर्वाचनका क्रममा गरेको प्रतिबद्धतामा सदैव अडिग रही व्यवसायीको भलाइका लागि काम गर्नेछु ।'‘समुन्नत राष्ट्र निर्माणको आधार ः सुरक्षित, व्यवस्थित र मर्यादित वैदेशिक रोजगार’ भन्ने नाराका साथ ल्याइएका २२ बुँदे प्रतिबद्धतालाई व्यवहारमा उतार्न जिम्मेवारीका साथ काम गर्नेछु । उनको भनाई छ ।
व्यवसायीहरुले भोग्दै आएको सेवा शुल्क, फ्रि भिसा फ्रि टिकट र वर्षमा अनिवार्य १०० संख्यामा श्रमिक विदेश पठाउनैपर्ने कनुनी समस्यालाई हल गर्न तत्कालै सरोकारवाला र राज्यका निकायसँग पहल गर्ने उनले बताएका छन् ।
प्रकाशित मिति: आइतबार, माघ ८, २०७९ ११:१७
-1745656903.jpeg)