काठमाडौं- भ्रष्टाचार, नागरिकता र श्रम आयोग लगायतका ऐन, नियम बनाउने ठूला नेताहरुले दबाब दिने गरेको श्रम, रोजगार तथा सामाजिक सुरक्षामन्त्री शेरबहादुर कुँवरले बताएका छन् ।
सोमबार ७७ औं विश्व श्रमिक दिवसको अवसरमा काठमाडौंमा आयोजित कार्यक्रमलाई सम्बोधन गर्दै मन्त्री कुँवरले जनताका पक्षका कानुनहरु ठूला नेताहरुको दबाबका कारण तुहिने गरेको बताएका हुन् ।
अहिलेको सरकारले पनि श्रम आयोग गठनसम्बन्धी प्रक्रिया तीन पटकमन्त्री परिषदमा पु¥याउँदासमेत एजेण्डा नबनेको उनले गुनासो गरे । मन्त्री कुँवरले श्रम आयोग गठन गर्नेकुरा तीन पटक मन्त्री परिषदमा पठाए पनि एजेण्डा नबनाइ अहिले सामाजिक समितिमा पठाएर सरकारले अल्झाउने काम गरिरहेको बताए ।
मन्त्री कुँवरले भने, ‘मजदुर युनियनको माग श्रम आयोग गठन गर्ने सबैको एउटै आवाज थियो । तर आर्थिक वर्ष २०७८।७९ मा कसले घुसाइदियो त्यो श्रम प्रतिष्ठान बनाउने भनेर जानकारी नभएको बताए । यसमा अर्थ मन्त्रालय सकारात्मक भएमात्र समस्या समाधान हुने बताए ।
अर्थमन्त्री तयार भएमा १० दिनमै श्रम आयोग गठन गर्न सकिने पनि उनले बताए। गठन आदेश मन्त्री परिषदमा छ, त्यसमा किन अड्किएको हो थाहा छैन उनले बताए । मन्त्री कुँवरले मन्त्रालयले असंगठित, अनौपचारिक क्षेत्र र वैदेशिक रोजगारीमा गएका श्रमिकलाई सामाजिक सुरक्षा कोषमा आबद्धता गर्ने तयारी गरिरहेको बताए ।
File photo
