काठमाडौं- चालु आर्थिक वर्षको पहिलो महिनामा नै ६३ हजारभन्दा बढी नेपालीले वैदेशिक रोजगारीमा जान श्रम स्वीकृति लिएका छन् । कोरोना महामारीपश्चात् पुरानै लयमा फर्किएको वैदेशिक रोजगारीमा जानेको संख्या ह्वात्तै बढेर चालु अवको पहिलो महिनामा ६३ हजार ४२ जनाले श्रम स्वीकृति लिएका हुन् ।
गत असार महिनामा झण्डै ५५ हजारले वैदेशिक रोजगारीमा जानका लागि श्रम स्वीकृति लिएका थिए । यसरी हेर्दा चालु आवमा रोजगारीका लागि विदेशिनेको संख्या बढ्न पुगेको छ । यही रफ्तारमा श्रम स्वीकृति लिनेको संख्या बढे भदौ महिनामा ७० हजार नाघ्ने वैदेशिक रोजगार विभागका अधिकारीहरु बताउँछन् ।
कोरोनाका कारण पछिल्ला दुई वर्ष कामदार लैजान रोकेको मलेसियाले आप्रवासी कामदार आपँर्ति गर्न खुला गरेसँगै मलेसिया जाने नेपालीको संख्या उल्लेख्य बढेको छ । रोजगारीका लागि अन्य गन्तव्य मुलुकभन्दा मलेसियामा नेपालीको माग र आकर्षण बढ्दो रहेको छ । साउन महिनामा मलेसिया जानका लागि २४ हजार ४८४ जनाले श्रम स्वीकृति लिएको वैदेशिक रोजगार कार्यालय ताहाचलले जनाएको छ ।
र्यालयका सहसचिव रमेश अर्यालले मलेसिया जाने श्रमिकको संख्या बढ्न थालेको र आगामी दिनमा यो संख्या अझै बढ्ने देखिएको बताए । उनका अनुसार मलेसिया मात्र नभई समग्रमा वैदेशिक रोजगारीमा जानेको संख्या आगामी दिनमा अझ बढ्ने देखिन्छ ।
गत आर्थिक वर्षमा मलेसिया जान ३५ हजारको हाराहारीमा मात्रै श्रम स्वीकृति जारी भएको थियो । जसका कारण मलेसिया नेपालीहरुको पाँचौं श्रम गन्तव्य बन्न पुगेको विभागको तथ्यांकले देखाउँछ । तर, यस वर्ष पहिलो महिनामा नै २४ हजारभन्दा बढीले श्रम स्वीकृति लिएर पहिलो गन्तव्य मुलुकको रुपमा नेपाली कामदारले मलेसियालाई रोजेका छन् ।
त्यस्तै साउन महिनामा कतारका लागि १२ हजार ५७०, संयुक्त अरब इमिरेट्स (युएई)का लागि आठ हजार १४०, साउदी अरेबिया छ हजार ७०५ र कुवेतका लागि चार हजार २८४ जनाले श्रम स्वीकृति लिएको रोजगार कार्यालयले जनाएको छ । यी पाँच देशले मात्रै कूल श्रम स्वीकृतिको ९० प्रतिशत हिस्सा ओगटेको अर्यालले बताए । उनका अनुसार कूल श्रम स्वीकृति लिनेमध्ये पुनः श्रम स्वीकृति लिने ३२ प्रतिशत छन् भने पहिलोपटक विदेश जान श्रम स्वीकृति लिने ६८ प्रतिशत रहेको छ ।
श्रम स्वीकृति लिनेमध्ये करिब १० प्रतिशत महिला रहेको कार्यालयले जनाएको छ । रोजगार कार्यालयको तथ्यांकअनुसार जिल्लागतरुपमा मधेसका जिल्लाबाट सबैभन्दा बढी रोजगारीको लागि श्रम स्वीकृति लिएका छन् । धनुषा, सिरहा, महोत्तरीबाट विदेश जानेको संख्या अन्य जिल्लाकोभन्दा बढी नै रहेको छ ।
चालु आर्थिक वर्षको सुरुआती महिनामा नै रोजगारीको लागि मलेसिया जानेको संख्यामा आएको बढोत्तरीमा म्यानपावर व्यवसायीले पनि खुसी व्यक्त गरेका छन् । युक्रेन युद्धका कारण खाडी मुलुकमा कामदारको माग घटेका कारण मलेसियामा जाने नेपालीको संख्यामा वृद्धि भएको नेपाल लोकतान्त्रिक वैदेशिक रोजगार व्यवसायी एसोसिएसनका अध्यक्ष कुमुद खनालले बताए । मलेसिया पारिश्रमिक र हावापानीका हिसाबले पनि खाडी मुलुकभन्दा राम्रो रहेको खनालको भनाइ छ । पछिल्लो समय मलेसिया जाने नेपालीको संख्या बढ्नु हामी व्यवसायीको लागि राम्रो र खुसीकै कुरा हो,’ खनालले भने ।
पछिल्लो समय मलेसिया सरकारले श्रमिकको आधारभँत पारिश्रमिक बढाउने निर्णय गरेसँगै नेपालीहरुका लागि मलेसिया अकर्षक गन्तव्य बनेको खनालले बताए । मलेसियाले हाल आधारभूत पारिश्रमिक वृद्धि गरी १५ सय मलेसियन रिंगेट ,४२ हजार रुपैयाँभन्दा बढी पुर्याएको छ । नेपाल सरकार फितलो अनुगमनका कारण ‘फ्रि भिसा, फ्रि टिकट’को प्रावधान पँर्णरुपमा कार्यान्वयनमा आउन नसके पनि यस वर्ष मलेसिया नेपालीहरुको पहिलो श्रम गन्तव्य मुलुक बन्ने देखिएको छ ।
प्रकाशित मिति: बिहीबार, भदौ १६, २०७९ ०८:५७
-1752335779.jpg)
