काठमाडौं - सरकारले वैदेशिक रोजगार बोर्ड सचिवालयको कार्यकारी निर्देशकमा डा. द्वारिका उप्रेतीलाई नियुक्त गरेको छ । सोमबार बसेको मन्त्रिपरिषद्को बैठकले उप्रेतीलाई बोर्डको कार्यकारी निर्देशकमा नियुक्त गरेको हो ।
सरकारले बोर्डको कार्यकारी निर्देशक रहेका राजनप्रसाद श्रेष्ठको कार्यकाल सकिएको एक हप्तापछि उप्रेतीलाई नियुक्त गरेको हो । श्रम, रोजगार तथा सामाजिक सुरक्षा मन्त्रालयले कार्यकारी निर्देशक नियुक्तिका लागि मन्त्रिपरिषद्मा तीन जनाको नाम सिफारिस गरेको थियो ।
जसमा उप्रेतीसहित निर्मलकुमार उप्रेती र युवराज बस्नेत सिफारिसमा परेका थिए । मन्त्रालयले गत २० जेठमा पदपँर्तिका लागि सिफारिस समितिले सँचना प्रकाशित गरेको थियो । सोहीअनुरुप कार्यकारी निर्देशकमा आवेदन दिएकामध्ये प्रारम्भिक सँचीमा छ जनाको नाम परेको थियो ।
उप्रेती माधवकुमार नेपाल नेतृत्वको नेकपा एकीकृत समाजवादी पार्टीनिकट नेपाल खेलकुद महासंघ समाजवादीका केन्द्रीय सदस्य तथा मधेस प्रदेशका इञ्चार्जसमेत रहेका छन् ।
