काठमाडौं- वैदेशिक रोजगार बोर्डको आगामी आर्थिक वर्ष २०७९/८० को नीति तथा कार्यक्रम स्वीकृत भएको छ । बिहीबार श्रम, रोजगार तथा सामाजिक सुरक्षा मन्त्रालयमा बसेको बोर्डको ७४औं बैठकले नीति तथा कार्यक्रम स्वीकृत गरेको हो ।
श्रममन्त्री एवं बोर्डका अध्यक्ष शेरबहादुर कुँवरको अध्यक्षतामा बसेको बैठकले आगामी आवका लागि कल्याणकारी कोषको स्रोत परिचालनमा एक अर्ब ५८ करोड १६ लाख रुपैयाँको बजेट स्वीकृत गरेको छ ।
बोर्डले अनलाइन प्रणालीबाट प्रवाह गरिने आर्थिक सहायता वितरण कार्यक्रम, अलपत्र कामदारहरूको उद्वार तथा राहत कार्यक्रम, निःशुल्क सीप तालिम, सुरक्षित, मर्यादित एवं लाभदायी वैदेशिक रोजगारसम्बन्धी अभिमुखीकरण, सूचना तथा परामर्श, पुनः एकीकरण कार्यक्रम, नेपाली श्रमिकहरुको सामाजिक तथा स्वास्थ्य सुरक्षा कार्यक्रम, प्रशिक्षण, अध्ययन तथा अनुसन्धान र सरोकारवालाहरुसँगको सहकार्य र संस्थागत क्षमता अभिवृद्धि गरी नौ वटा कार्यक्रमका लागि बजेट विनियोजन गरेको छ ।
बोर्डको सचिवालयले यस विषयमा विस्तृत जानकारी केही दिनमा वेबसाइटबाट सार्वजनिक गर्ने बोर्डका कार्यकारी निर्देशक राजनप्रसाद श्रेष्ठले जानकारी दिए ।
कार्यक्रममा श्रममन्त्री कुँवरले वैदेशिक रोजगारीलाई सुरक्षित, म¥यादित र सम्मानित बनाउनका लागि बोर्डले आगामी दिनमा विशेष काम गर्ने बताए । उनले बोर्डबाट प्रवाह हुने सेवालाई सरल, सहज र प्रविधिमैत्री बनाइ सुशासन प्रवद्र्धन गर्नका लागि पहल गर्ने बताए ।
‘अहिले पनि वैदेशिक रोजगारीमा गएका श्रमिकहरुले थुपै समस्या भोगिरहेकाले उनीहरुका समस्यालाई बोर्डले सम्बोधन गर्ने गरी काम गर्न बोर्डका कर्मचारीलाई निर्देशन दिएको छु,’ उनले भने ।
प्रकाशित मिति: शुक्रबार, असार ३१, २०७९ ०९:३९
-1745656903.jpeg)