काठमाडौं- श्रम, रोजगार तथा सामाजिक सुरक्षामन्त्री कृष्णकुमार श्रेष्ठले रोजगार अनुमति प्रणाली (इपिएस) अन्तर्गत सञ्चालन हुने कोरियाली भाषा परीक्षा प्रभावकारी र विश्वसनीय रहेको बताएका छन् ।
बुधबार ललितपुरको भैँसेपाटीमा सञ्चालन भइरहेको कोरियन भाषा परीक्षाको निरीक्षण गर्न पुगेका मन्त्री श्रेष्ठले सरकारी तवरबाट श्रमिक पठाउन सञ्चालन हुने भाषा परीक्षा प्रणाली प्रभावकारी र विश्वसनीय रहेको बताए।
उनले इपिएस भाषा प्रणालीलाई वैज्ञानिक बनाउँदै लगेको भन्दै कोरियाको मानव संसाधन विकास विभाग (एचआरडी) को प्रशंसासमेत गरे । अहिलेसम्म इपिएस परीक्षाको निष्पक्षताप्रति नेपालीहरुको गहिरो विश्वास रहेको मन्त्री श्रेष्ठले बताए ।
वैदेशिक रोजगार विभागअन्तर्गत इपिएस शाखाले कोरिया जानका लागि आवेदन दिएकामध्ये कृषि तथा पशुपालन क्षेत्रको भाषा परीक्षा सञ्चालन गरिरहेको छ । कृषि तथा पशुपालन र उत्पादनमुलक समूहमा रोजगारीका लागि कोरिया जान ४४ हजार ८५३ युवाले आवेदन दिएका छन् ।
कृषि तथा पशुपालनक्षेत्रमा जान आवेदन दिने १० हजार ८५८ जनामध्ये छ हजार ५९७ जनाको परीक्षा अहिले भइरहेको छ । बाँकी चार हजार २६१ जनाको आगामी असार १३ गतेबाट सुरु हुनेइपिएस कोरिया शाखाले जनाएको छ । त्यस्तै उत्पादनमुलक समूहमा ३३ हजार ९९५ जनाले आवेदन दिएका छन् । उनीहरुको परीक्षा मिति तोकिएको छैन ।
सन् २००७ मा दुई देशका सरकारबीच श्रमका लागि नेपाली श्रमिक लैजाने सहमति भएको थियो । श्रमिकहरू जाने क्रम सन् २००८ बाट सुरु भएको थियो । कोरियामा उत्पादन र कृषि तथा पशुपालन गरी दुई क्षेत्रमा नेपाली कामदार कार्यरत छन् । मन्त्री श्रेष्ठलेकोभिड १९ कारण सन् २०२० देखि रोकिएको इपिएस प्रणाली छिट्टै नवीकरण हुने बताए ।
प्रकाशित मिति: बिहीबार, जेठ २६, २०७९ १०:५३
-1752335779.jpg)
