काठमाडौं- दक्षिण कोरियामा गएर रोजगारीबाट फर्किएका युवाहरुलाई लक्षित गरी पुनःएकीकरणसम्बन्धी परियोजना सञ्चालन गर्न नेपाल सरकार र कोरियन अन्तर्राष्ट्रिय सहयोग संस्था ९कोइका०बीच सम्झौता भएको छ ।
रोजगार अनुमति प्रणाली (इपिएस)मार्फत दक्षिण कोरियामा काम गरी फर्केका युवाहरुलाई नेपालमै विभिन्न अवसर उपलब्ध गराउने गरी कोइकाको सहयोगमा सञ्चालन हुने परियोजनाको रेकर्ड अफ डिस्कसन (आरओडी)मा मंगलबार हस्ताक्षर भएको हो ।
परियोजनाको आरओडीमा श्रम, रोजगार तथा सामाजिक सुरक्षा मन्त्रालयका सहसचिव रामचन्द्र ढकाल र कोइकाको तर्फबाट कन्ट्री डाइरेक्टर सुङहुन कोले हस्ताक्षर गरेका छन् । कोइकाको सहयोगमा सञ्चालन हुने उक्त परियोजनामा आठ मिलियन अमेरिकी डलर (करिब ९६ करोड रुपैयाँ ) अनुदान प्राप्त हुने सम्झौतामा उल्लेख गरिएको छ ।
उक्त अनुदान प्राप्त रकम इपिएसमार्फत कोरिया गई फर्किएका युवाहरुको क्षमता अभिवृद्धि, पुनःएकीकरणसम्बन्धी सूचनामा पहु“च, उद्यमशीलतासम्बन्धी क्षमता विकास र वित्तीय सहायता पहुँचमा खर्च हुने श्रम मन्त्रालयले जनाएको छ ।
