काठमाडौं - कोरियामा कार्यरत नेपालीहरूले नेपाल–कोरिया नियमित हवाई उडान सञ्चालन गर्न माग गरेका छन् । कोभिड-१९ का कारण रोकिएको नियमित उडान पुनः सञ्चालन गर्नका लागि विभिन्न राजनीति दलनिकट संघसंस्थाले आग्रह गरेका हुन् ।
ती संस्थाहरूले नेपाली राजदूतावासमार्फत नेपाल सरकारलाई ध्यानाकर्षणपत्र बुझाउ“दै नियमित हवाई सेवा सञ्चालनको व्यवस्था गरिदिन माग गरेका छन् ।
कोरियामा क्रियाशील नेपाली कांग्रेसनिकट जनसम्पर्क समिति, नेकपा एमालेनिकट प्रवासी नेपाली मञ्च, नेकपा माओवादी केन्द्र सम्बद्ध जनप्रगतिशील मञ्च, एकीकृत समाजवादीनिकट प्रवासी एकता मञ्च, जसपा नेपालनिकट नेपाली समाज र राप्रपानिकट प्रवासी नेपाली समाजले संयुक्तरूपमा प्रधानमन्त्री शेरबहादुर देउवालाई ध्यानाकर्षणपत्र पठाउँदै यस्तो आग्रह गरेका हुन् ।
उनीहरूले कोरियामा रहेका ६० हजार नेपालीको सेवालाई ध्यानमा राखेर उडान नियमित गर्ने प्रबन्ध गरिदिन माग गरेका छन् । हाल नेपाल–कोरिया महँगो शुल्कमा चार्टरमार्फत उडान भइरहेको छ ।
जसबाट त्यहा कार्यरत नेपाली श्रमिक मारमा परहेको जनाइएको छ । विगतमा नियमित उडान हुने गरेकोमा कोभिड–१९ का कारण रोकिएको उडान अझैसम्म पनि सञ्चालनमा आउन नसकेको हो ।
कोरियामा कार्यरत नेपाली श्रमिकले केही स्वार्थ समूहको कारण महँगो भाडादरको चार्टर उडानलाई प्रोत्साहन पुग्ने गरी काम भइरहेको आरोपसमेत लगाएका छन् ।
