काठमाडौं- नेपाल लोकतान्त्रिक वैदेशिक रोजगार व्यवसायी एशोसिएसनको अध्यक्षमा कुमुद खनाल विजयी भएका छन् । बुधबार भएको निर्वाचनमा अध्यक्षका अर्का उम्मेदवार तारानाथ अर्याललाई ४३ मतले पराजित गर्दै खनाल अध्यक्षमा विजयी भएका हुन् ।
एसोसिएसनको निर्वाचनका लागि ३२६ मतदाता रहेका थिए भने त्यसमध्ये २६७ मत खसेको बताइएको छ । खसेको मत मध्ये खनाललाई १४९ मत प्राप्त गरे भने निकटतम प्रतिश्पर्धी तारानाथ अर्यालले १०६ मत मात्रै पाएका थिए ।
त्यस्तै एसोसिएसनको वरिष्ठ उपाध्यक्षमा भगिरथ राई (रमेश), द्वितीय उपाध्यक्षमा विनोद जंग केसी, तृतीय उपाध्यक्षमा दीपक थापा, महासचिवमा कमल काफ्ले, सचिवमा लक्ष्मण पौडेल, सह–सचिवमा हर्क लिम्बू, कोषाध्यक्षमा कैलाश कार्की र सह– कोषाध्यक्षमा जफरूद्विन मियाँ विजयी भएका छन् ।
यस्तै कार्यसमितिका सदस्यहरूमा कैलाश पाठक, पंकज कुमार मिश्रा, प्रदीप थापा, मदन पुरी, यम कुमार क्षेत्री केसी, रविन मेगाले मगर, राम बहादुर लामा तामाङ, सुनिता कर्माचार्य, सुनिता श्रेष्ठ र हिरा बुढाथोकी निर्वाचित भएका छन् ।
दुई वर्षको कार्यकाल हरने एसोसिएसनको ११ औँ साधारण सभाको नेपाली काँग्रेसका महामन्त्री बिश्व प्रकाश शर्माले उद्घाटन गरेका थिए ।
