काठमाडौं– गैरआवासीय नेपाली संघ (एनआरएनए)का अध्यक्ष डा.बद्री केसीले नेपाली नयाँ वर्षसँगै संघमा देखिएका समस्या हल भएर जाने बताएका छन् । एनआरएनए अमेरिका क्षेत्रीय समितिले नयाँ वर्ष २०७९ को अवसरमा आयोजना गरेको शुभकामना आदानप्रदान कार्यक्रममा अध्यक्ष डा. केसीले यस्तो बताएका हुन् ।
उनले संघको वर्तमान कार्यसमिति जम्बो भएको आलोचना भए पनि संस्थाको हितको लागि सशक्त रूपमा परिचालन गरेर अघि बढ्न सकिने बताए । उनले १०औं महाधिवेशनले संघको विभाजनको बीउ रोपिएको बताउँदै वर्तमान अध्यक्ष कुल आचार्यलाई पूर्णरूपमा सहयोग गरेर अघि बढ्ने प्रतिबद्धतासमेत जनाए । उनले संस्थाभित्र विवाद आउँदा तेस्रो व्यक्तिले फाइदा लिने गरेको अनुभव सुनाउँदै त्यसतर्फ सजक रहनसमेत आग्रह गरे ।
संघका उपाध्यक्ष डा.हेमराज शर्माले १०औं महाधिवेशनमा भएका कमीकमजोरीका बारेमा आत्मालोचना गर्नुपर्ने बताएए । उनले संघको अभियानमा अमेरिका क्षेत्रको महत्वपूर्ण भूमिका रहेको बताए । संघका महासचिव गौरीराज जोशीले नयाँ कार्यसमितिबाट काम गर्न त्यति सजिलो नभएको भन्दै आफू त्यति आशावादी नभएको बताए । उनले आगामी १८ महिनामा निष्पक्ष निर्वाचन गरेर नेतृत्व हस्तान्तरण गर्न सक्नु नै यो कार्यसमितिको ठूलो उपलब्धि हुने बताए ।
