काठमाडौं– वैदेशिक रोजगारीमा गएकाहरूलाई लक्षित गरेर सरकारले सञ्चित लगानी कोष निर्माण गर्ने निर्णय गरेको छ । विदेशमा रहेका नेपालीले यो कोषमा रकम जम्मा गर्न सक्ने जानकारी दिइएको छ । अर्थमन्त्री जनार्दन शर्माले उक्त कोषमा जम्मा हुने रकमलाई सरकारले उपयुक्त क्षेत्रमा लगानी गर्ने गरी कोष निर्माण गर्ने निर्णय भएको बताए ।
गैरआवासीय नेपाली संघ (एनआरएनए)ले नेपाली बैंकमा डलर खाता खोल्ने विषयमा आयोजना गरेको अन्तक्र्रिया कार्यक्रममा अर्थमन्त्री शर्माले उक्त जानकारी दिएका हुन् । कोष निर्माणको विषय मन्त्रिपरिषद्बाट निर्णय भइसकेको उनले बताए । उक्त कोष छिट्टै स्थापना गरी कार्यान्वयनमा ल्याइने मन्त्री शर्माको भनाइ थियो । कोषमा विदेशमा रहेका नेपालीहरूले मासिक रूपमा निश्चित रकम जम्मा गर्न सक्ने र सो रकम सरकारले उत्पादनमूलक क्षेत्रमा लागानी गर्ने उनले बताए । ‘त्यो कोषमा सरकारले पनि लगानी गर्ने र विदेशमा रहेकाहरूलाई दिने सुविधाका रूपमा यसलाई सरकारले अगाडि बढाएको छ,’ मन्त्री शर्माले भने ।
उनले एनआरएनहरूलाई डलर खाता खोल्नका लागि अनुरोधसमेत गरेका छन् । ‘यो कार्यक्रम पहिलेदेखि नै अगाडि बढाउने विषयमा छलफल भइरहेको थियो तर अहिले अवस्था फरक भए पनि यसले लगानीको लागि वातावरण निर्माण गर्छ,’ उनले भने । एक लाख जनाले १० हजार डलरका दरले खाता खोलिदिने हो भने बैंकिङ क्षेत्रमा देखिएको तरलताको समस्या समाधान हुने उनको भनाइ थियो ।
अर्थसचिव मधुकुमार मरासिनीले डलर खाता खोल्न सरकारले सहज वातावरण निर्माण गरेको बताए । विदेशमा रहेका नेपालीहरूले आङ्खनो ठाउँमा नेपाली सामान बिक्री गर्ने वातावरण निर्माण गर्नुपर्नेमा पनि उनले जोड दिए । नेपाल राष्ट्र बैंककी कायम मुकायम गभर्नर डा.नीलम ढुंगानाले अनलाइनबाटै खाता खोल्न सकिने व्यवस्था गरिएको जानकारी दिइन् । विदेशबाट खाता खोल्दा कुनै शुल्क नलाग्ने र विदेशमा रहेका बैंकसँग पनि शुल्क कम गर्ने विषयमा पहल गरिने उनले बताइन् । खाता खोलेपछि पैसा लिन पाइँदैन कि भन्न चिन्ता नलिन पनि उनले आग्रह गरिन् । विभिन्न बैंकका प्रतिनिधिहरूले पनि खाता खोल्नका लागि समस्या नहुने बताएका थिए ।
एनआरएनएका अध्यक्ष कुल आचार्यले मातृभूमिको ऋण तिर्ने मौका आएको भन्दै सबै विदेशमा रहेका नेपालीहरूले यो अवसरको सदुपयोग गर्नुपर्ने बताए । कुरा गने भन्दा पनि काम गरेर देखाउने अवसर आएकाले यो अवसरलाई खेर जान दिन नहुने उनले बताए । खाता खोल्नेमात्रै भन्दा पनि नेपालसँग जोडिने अवसरका रूपमा लिनुपर्ने उनको भनाइ थियो ।
-1745656903.jpeg)