दोहा– वैदेशिक रोजगारको नाममा संयुक्त अरब इमिरेट्स (युएई) मा ल्याएर अपत्र पार्नेलाई कडाभन्दा कडा कारबाही गरिने युएईस्थित नेपाली दूताबासले चेतावनी दिएको छ । युएईलगायत तेस्रो मुलुकमा आकर्षण तलब सुविधाको प्रलोभन देखाई भ्रम सिर्जना गरी भिजिट भिसा वा अन्य भिसामा ल्याई ठग्ने र आधिकारिक निकायबाट सत्यतथ्य नबुझी गलत सूचनाको प्रलोभनमा परी ठगिने क्रम बढेको भन्दै दूताबासले यस्तो काम गर्नेहरूलाई कडाभन्दा कडा कारबाही गरिने जनाएको छ ।
यस किसिमको ठगी धन्दामा सहभागी नहुने सबैलाई अनुरोध गर्दै दूताबासले यस्ता क्रियाकलापमा संलग्न जो कोहीलाई पनि प्रचलित कानुन बमोजिम कारबाही गरिने चेतावनी दिएको छ ।
हालै नेपालस्थित एक म्यानपावर कम्पनीमा काम गर्ने व्यक्तिले बेलायत लैजाने प्रलोभनमा पारी जनही ९ लाख रूपैया लिई हाल युएईमा रहेको एक व्यक्तिको जिम्मा लगाएको, तर युएई आएपछि बेलायत पठाउन नसकिने भन्दै युएईमै राम्रो रोजगारी लगाई दिने भनी पासपोर्ट र अन्य कागजजातसमेत सो व्यक्तिले जफत गरेको दूताबासले जनाएको छ ।
तर, उक्त रोजगारीका लागि तयार पारिएको अफर लेटर र भिसा नक्कली भएको जानकारी पाएपछि नेपाल फर्कन आङ्खनो पासपोर्ट माग्दा निज व्यक्तिले पासपोर्ट बोलाई सांघातिक हमला गर्न लगाई, पासपोर्ट भने नदिएको र आफू ठगीमा परेको बेहोरासहितको निवेदन दूताबासलाई प्राप्त भएको दूताबासले जनाएको छ ।
वैदेशिक रोजगारीमा आउ“दा आधिकारिक निकायहरूबाट सत्यतथ्य बुझी प्रचलित कानुन बमोजिम नेपाल सरकारबाट श्रम स्विकृति लिएर मात्रै आउनसमेत दूताबासले अनुरोध गरेको छ ।
केहि दिनअघि पीडितहरू मनोहर केसी र टीकाराम बोहोराले आफूहरूलगायत अन्य धेरैलाई बेलायत पठाइदिने भन्दै युएई ल्याएर अलपत्र पारेको तथा न्याय माग्दा उल्टै बिचौलियाबाट कुटिएको भन्दै न्यायका लागि दूताबासमा निवेदन दिएका थिए ।
