दोहा– कुवेतमा रहेका नेपाली श्रमिकहरूको रोजगारी गुम्ने निश्चितजस्तै भएको छ । कुवेत सरकारले यो हप्ताको अन्त्यसम्ममा करिब ३ लाख ६० हजार आप्राबासी कामदारहरूलाई हटाउने तयारीपछि हजारौँ नेपालीको रोजगारी गुम्ने भएको हो ।
कोरोनाको कहरपछि कुवेत सरकारले संसदीय मानव संसाधन विकास समितिसँगको बैठकले जनसांख्यिकीय असन्तुलनलाई सम्बोधन गर्न पूर्णयोजनाको रूपरेखा तयार गरेको छ । समितिले यस हप्ताको अन्त्यसम्ममा प्रतिवेदन पेस गर्ने जनाएको छ ।
समितिले तयार पारेको प्रतिवेदनमा कुवेत सरकारले करिब ३ लाख ६० हजार आप्रबासी कामदारहरूलाई हटाउने तयारी गरेको छ । जसमा अवैधानिक रूपमा बसेका १ लाख २० हजार आप्रबासी श्रमिकलाई हटाइने छ ।
यस्तै सीप नभएका १ लाख ५० हजार तथा ६० वर्ष भन्दामाथिका ९० हजार आप्रवासी कामदार हटाइने योजना छ । मध्यम र दीर्घकालीन समस्या समाधानका सवालमा जनसांख्यिकीय असन्तुलनलाई सम्बोधन गर्न सरकारले रणनीतिक दिशानिर्देशन र कार्यक्रमहरू तय गरेको जनाएको छ ।
कुवेत सरकारले गरेको यो निर्णयसँगै हजारौँ नेपालीको रोजगारी गुम्ने खतरा बढेर गएको बताइन्छ । कोरोनाका कारण अहिले कुवेतमा धेरै कम्पनी बन्द भएर कतिपय नेपाली लामो समयदेखि स्वदेश फर्किने पर्खाइमा छन् भने कतिपय नेपाली स्वदेश फर्किसकेका छन् ।
नेपाल सरकारले गरेको उद्दार उडानमार्फत धेरै नेपाली फर्किए पनि वास्तविक पीडित तथा पैसा नहुने अधिकांश नेपाली श्रमिकहरू अझै कुवेतमै रहेको त्यहाँका श्रमिकहरूले बताउँदै आएका छन् ।
नक्कली भिसाधारीले कुवेत छाड्न उर्दी
नक्कली भिसामार्फत कुवेत पुगेकाले डिसेम्बर अन्त्य सम्ममा कुवेत छोड्नु पर्ने भएको छ । कुवेतले नक्कली कम्पनी खडा गरेर कुनै पनि अफिस नखोली भिसाको कारोबार गर्ने कम्पनीहरूमार्फत कुवेत प्रवेश गरेका १ लाख आप्रबासी श्रमिकहरूले डिसेम्बरको अन्त्य अर्थात २०२० भित्र कुवेत छाड्नु पर्ने भएको छ । यसरी फर्किने आप्रबासी श्रमिकहरूले पुनल् कुवेत प्रवेश नपाउने भएका छन् । अवैधानिक रूपमा आप्रबासी श्रमिकहरूलाई नक्कली भिसा बिक्री बितरण गर्न खोलिएका ४५० कम्पनीसमेत कुवेत सरकारले खारेज गरेको छ ।
यसरी कारबाहीमा परेका ४५० कम्पनीहरू मध्ये ३०० वटा कम्पनीहरूले व्यवसायिक क्रियाकलाप नगरे पनि उक्त कम्पनीहरूमा दर्ता गरेर भिसा बिक्री गरेको पाइएको जनाएको छ ।
-1745656903.jpeg)