दोहा– साउदीमा ज्यान गुमाएका ९५ जना नेपाली कामदारका परिवारले पाउनुपर्ने रकम नेपाल पठाएको साउदीस्थित नेपाली दूताबासले जनाएको छ । साउदी अरबमा विभिन्न कारणले ज्यान गुमाएका नेपालीहरूको कम्पनीबाट पाउनु पर्ने रकम नेपाली दूताबासको पहलमा सम्बन्धित कम्पनीबाट उठाएर नेपाल पठाएको हो ।
दूताबासका अनुसार ९५ जना मृतकले पाउने रकम १४ लाख ५४ हजार ६ सय ८९ रूपैयाँ साउदी रियाल अर्थात् करिब ४ करोड ६३ लाख ३२ हजार नेपाली रूपैयाँ नेपालस्थित कन्सुलर सेवा विभागको बैंक खातामा ट्रान्सफर गरिएको जनाएको छ ।
मृतक नेपालीहरूले पाउनुपर्ने बाँकी तलब, सर्भिस बेनिफिटबापत रकम दूताबासको पहलमा सम्बन्धित कम्पनीहरूले दूताबासको खातामा जम्मा गराएका थिए । यस्तै दूताबासले अन्य मुद्दा पनि अदालतमा चलिरहेको जनाएको छ । अन्य विभिन्न दुर्घटनामा परी ज्यान गुमाएका नेपालीहरूको हकमा पनि दूताबासका प्रतिनिधिहरू बारम्बार अदालतमा गएर उनीहरूको अधिकारको निम्ति बहस पैरबी गरिरहेको जनाएको छ ।
तर, कोरोनका कारण यहाँका अधिकांश अदालत तथा सरकारी निकायहरू अझै पनि पूर्णतः खुल्न नसकेको तर यहाँको स्थिति सामान्य हुने बित्तिकै निरन्तर फलोअप गरेर उनीहरूको मुद्दा पनि चाँडै टुंग्याउन पहल गर्ने दूताबासले जनाएको छ ।
-1745656903.jpeg)