दोहा– बेलायत पठाइदिने भन्दै एक बिचौलियाले दुई नेपालीलाई युएई पु¥याएर अलपत्र पारेका छन् । वैदेशिक रोजगारीमा जाने अधिकांस नेपाली श्रमिकहरू ठगी पर्दै आएको गुनासो आइरहेको बेला बेलायत पठाइदिने भन्दै बिचौलिया श्याम थापाले युएई लगेर अलपत्र परेका हुन् ।
राम्रो कमाइ हुने प्रलोभन देखाएर दलाललाई ठूलो रकम बुझाएर नेपालबाट मनोहर केसी र टीकाराम बोहोरा बेलायत हिँडे तर उनीहरूलाई बेलायत नभई युएईमा पु¥याएर अलपत्र परिएको छ । अहिले उनीहरूले आफूहरूलाई नेपाल फर्काउन भन्दा ती थापाले उनीहरूमाथि कुटपिट गरेका छन् । आफूहरू अलपत्र पारेको तथा न्याय माग्दा उल्टै बिचौलियाबाट कुटिएको पीडित बोहोरा बताएका छन् । एक महिना तालिम लिएपछि बेलायत पठाइदिने भन्दै आफूहरूलाई युएई ल्याइएको उनले बताए ।
बेलायत नपठाएसम्म युएईमै काम लगाइदिने भन्दै बिचौलिया थापाले उनीहरूलाई आश्वासन दिएको तर त्यो काम पनि नलगाएपछि पीडितहरूले हामीलाई न्याय चाहियो भनेपछि थापाले उनीहरूलाई दुबईको बरदुबईमा बोलाएर राजिन विक तथा केदारमान श्रेष्ठलगायत १० जनाको समूहले अन्धाधुन्ध आक्रमण गरेको बोहोराले बताएका छन् ।
कुटपिटपछि बिचौलिया थापा फरार रहेको भन्दै पीडितहरूले युएईस्थित नेपाली दूताबास तथा एनआरएन युएईमा उद्धारका लागि निवेदन दिएको बोहोराले बताए । उनीहरू जस्तै थापाले अन्य ६३ जना नेपालीहरूसँग पनि बेलायत पठाइदिने भन्दै प्रतिव्यक्ति ९ देखि १० लाखसम्म लिएको पीडितहरूले बताएका छन् ।
-1745656903.jpeg)