काठमाडौं– वैदेशिक रोजगार काठमाडौं, कार्यालयले ५ हजार २ सय ७३ जनाले पुनः श्रम स्विकृति लिएको जनाएको छ । आइतबार श्रम स्विकृति विवरण जारी गर्दै दुई चरणअन्तर्गत १८ असारदेखि १ साउनसम्म र १ साउनदेखि २५ साउन आइतबारसम्म ५ हजार २ सयले पुनः श्रम स्विकृति लिएको कार्यालयले जनाएको छ ।
१ साउनदेखि आइतबारसम्म पुनः श्रम स्विकृति लिनेमध्ये सबैभन्दा बढी खाडी मुलुक युएईका लागि रहेको कार्यालयले जनाएको छ । कार्यालयका अनुसार २५ दिनमा १ हजार १ सय ९७ जनाले युएईका लागि पुनः श्रम स्विकृति लिएका छन् । जसअन्तर्गत पुरुष १ हजार ९७ र महिला १ सय ५ रहेका छन् ।
युएईपछि दोस्रोमा पुनः श्रम स्विकृति लिनेको संख्या खाडी मुलुक कतारका लागि रहेको छ । कतारका लागि ७ सय १८ जनाले पुनः श्रम स्विकृति लिएका छन् । कतारका लागि ७ सय १२ पुरुष र ६ महिलाले पुनः श्रम स्विकृति लिएका छन् । कतारपछि मलेसियाका लागि ३ सय १७ जसमध्ये ३ सय १५ पुरुष र २ जना महिला रहेका छन् ।
यस्तै, खाडी मुलकु साउदी अरबका लागि १ सय ९९ पुरुष र २ महिला गरी २ सय १ जना, कुवेतका लागि १ सय पुरुष र ७ महिला गरी १ सय ७ जनाले, जापानका लागि ५३ पुरुष र २ महिला गरी ५५ जनाले, ओमानका लागि ४९ पुरुष र ३ महिला गरी ५२ जनाले र बहराईका लागि ४४ पुरुष र १ महिला गरी ४५ जनाले पुनः श्रम स्विकृति लिएको कार्यालयले जनाएको छ ।
बहराइनपछि पोल्यान्डका लागि १७ पुरुष र ४ जना महिला गरी २१ जनाले पुनः श्रम स्विकृति लिएको कार्यालयले जनाएको छ । पोल्यान्डपछि मकाउका लागि १४ पुरुषले, माल्दिभ्सका लागि १३ पुरुष र १ महिला गरी १४ जनाले, अफगानिस्तानका लागि ९ जना पुरुषले, माल्टाका लागि ८ जना पुरुषले पुनः श्रम स्विकृति लिएको कार्यालयले जनाएको छ ।
यसैगरी पुनः श्रम लिनेमध्ये ब्रुनाईका लागि ३, चीनका लागि ३, रसियाका लागि २, भिक्टोरिया सेइचिल्लीका लागि २ पुरुषले र श्रीलंकाका लागि २ महिलाले पुनः श्रम स्विकृति लिएको कार्यालयले जारी गरेको विवरणमा उल्लेख छ । साथै, बर्मुडाका लागि १ पुरुषले, कम्बोडियाका लागि १ महिलाले, क्रोएसियाका लागि १ पुरुषले, चेक रिपब्लिकाका लागि १ पुरुषले, अफ्रिकाका लागि १ पुरुषले, इजिप्टका लागि १ महिलाले, जोर्डनका लागि १ पुरुषले, नाइजेरियाका लागि १ पुरुषले, लिथुयानका लागि १ पुरुषले गरी १ देखि २५ साउनसम्म २ हजार ७ सय ७९ ले पुनः श्रम स्विकृति लिएको कार्यालयले जनाएको छ ।
कार्यालयका अनुसार २५ दिनको अवधिमा २ हजार ६ सय ४२ पुरुष र १ सय ३७ महिलाले पुनः श्रम स्विकृति लिएका छन् । १५ असारमा बसेको मन्त्रिपरिषद्को बैठकले छुट्टीमा फर्किएकाहरूलाई पुनः रोजगारीमा जान चाहेको खण्डमा पुनः श्रम स्विकृति खुला गरिदिएको थियो ।
-1745656903.jpeg)