दोहा– गैरआवासीय नेपाली संघ (एनआरएनए) कुवेतले कोरोना भाइरसका कारण रोजगारी गुमाएर चार्टर्ड हवाइ उडान खुलेको बेला पनि टिकटको जोहो गर्न नसकी थप समस्यामा परेका नेपालीको नामावली संकलन गर्ने भएको छ ।
वास्तविक कम्पनी बन्द भई स्वदेश फर्किन टिकटको व्यवस्था गर्न नसकी समस्यामा परेर बसेकाहरूले एनआरएनए कुवेतका जो कोहीलाइ सम्पर्क गरी आङ्खनो विवरण उपलब्ध गराउन अनुरोध गरिएको एनआरएनए कुवेतका आइसिसी सदस्य अमित चाम्लिङले जानकारी दिएका छन् ।
उनका अनुसार वास्तविक पीडितहरूको विवरण संकलन गरी आइसिसी महिला फोरमकी संयोजक भोमा लिम्बूलाई बुझाइने छ । उनीमार्फत वास्तविक समस्यामा परेका तथा आङ्खनै खर्चमा टिकटको जोहो गरेर स्वदेश फर्कन नसकेकाहरूलाई सम्बन्धित निकायको ध्यानाकर्षण गराई निःशुल्क उद्धारको पहल गरिने चाम्लिङले बताए ।
एनआरएनए कुवेतले कोरोना भाइरस (कोभिड १९) को प्रकोपका कारण कुवेतमा कार्यरत नेपालीहरूमा परेको प्रत्यक्ष असरलाई मध्यनजर गर्दै श्रमिकहरूको साथी बन्दै समस्याललाई हल गर्दै आइरहेको जनाएको छ ।
चाहे राहतको पोको बोकेर होस्, चाहे अवैधानिक हैसियतमा बसोबास गरेका नेपाली श्रमिकहरूलाइ नेपाली दूताबाससँग सहकार्य गर्दै नेपाल फिर्ती तथा उनीहरूको समस्यालाई काउन्सिलिङ वा विभिन्न समस्या परेकाहरूलाई नेपाल फर्किनका लागि आवश्यक प्रक्रियाका लागि सहयोग गर्दै आएको एनआरएनए कुवेतले जनाएको छ ।
यस्तै केही हप्ता अगाडि पनि महिला र बालबालिकाहरूलाई विशेष प्राथामिकतामा राखेर कोरोना भाइरसका कारण समस्यामा परेका केही महिला र बालबालिकाहरूलाई उनीहरूको दैनिक उपभोगका सामान खरिदका लागि पनि आर्थिक सहयोग गरेको एनआरएनएले जनाएको छ ।
