दोहा– कोरोना भाइरसको कारण समस्यामा परेका नेपालीहरुबाट विभिन्न एयरलाइन्स कम्पनीहरुले चार्टर्ड उडानमातर्फत स्वदेश फर्किने नेपाली नागरिकहरुलाई तोकिएभन्दा बढी भाडा लिए कारबाही गर्ने युएईस्थित नेपाली दूताबासले चेतावनी दिएको छ ।
दूताबासमा तोकिएकोभन्दा बढी भाडा लिएको गुनासो आएपछि एक सूचना जारी गर्दै गम्भीर ध्यानाकर्षण भएकोसमेत जनाएको छ । नेपाल सरकारले युएईबाट चार्टर उडानका भाडा लागि नेपाल एयरलाइन्सको अमेरिकी डलर ३६० हिमालय एयरलाइन्सको ३८५ अमेरिकी डलर तोकेको छ ।
अर्थात (१४ सय २० दिराम) र अन्य एयरलाइन्सको हकमा सम्बन्धित एयरलाइन्सले तोकेअनुसार हवाइ भाडा निर्धारण गरेको जनाउ“दै युएईबाट नेपाल फर्किनुपर्नेहरुले टिकट लिनुअघि राम्रोस“ग बुझेर सम्बन्धित एयरलाइन्सको आधिकारिक बिक्रेतासँग मात्रै टिकट खरिद गर्न दूताबासले सूचित गरेको छ ।
स्वदेश फर्किने नेपालीहरुबाट ट्राभल्स एजेन्सी तोकिएकोभन्दा बढी मूल्य टिकट बिक्री गरेको कारण टिकट नपाएरको गुनासो आउन थालेपछि तोकिएकोभन्दा लिए दूताबासमा खबर गर्न अनुरोध गरेको छ ।
युएईबाट स्वदेश फर्किने नेपालीहरुको संख्या ठूलो भए पनि अहिलेसम्म ५ हजार ८ सय ५९ जना मात्र नेपाल फर्किएको दूताबासले जनाएको छ । दुई चरणमा गरेर ३५ वटा उडान भएका छन् । दुई चरणमा गरी भएका ३५ उडानमार्फत प्राथमिकतामा परेका नेपाली स्वदेश फर्किएका छन् ।
