ट्रान्सगार्ड ग्रुप कम्पनी बन्द प्रकरण
दोहा– नेपाल सरकारले नै युएईमा अलपत्र नेपालीलाई स्वदेश पठाउन उडान अनुमति नदिँदा उनीहरू अलपत्र परेका छन् । कोरोना भाइरसको कारण कम्पनी बन्द भएपछि विगत ४ महिनादेखि युएईको अबुधाबीमा रहेको ट्रान्सगार्ड ग्रुप कम्पनीमा करिब २ हजार ५ सय नेपाली कामदारको अवस्थाबारे युएईस्थित नेपाली दूताबासले पटक–पटक इमेल गर्दा पनि कुनै जानकारी नदिएको ट्रान्सगार्ड ग्रुप कम्पनी प्रशासनले जनाएको हो ।
शनिबार साँझ कम्पनी प्रशासन र अलपत्र कामदारीबीच भएको छलफलमा कम्पनीको माथिल्लो निकाय आएको समयमा हामीले हामीलाई मात्र किन रोकेको, अन्य मुलुकको नागरिकहरू प्रायः जसो सबै आङ्खनो मुलुक फर्किसके अब हामी घर अहिले जान पाउछौँ भनेर कम्पनी प्रशासनसँग गुनासो रहेको नेपालीले जानकारी दिए ।
‘हामीहरूलाई किन रोकेको नेपालको चार्टर उडान भइरहेको छ भनेर प्रश्न गर्दा हामीले नेपालको दूताबाससँग दैनिक सम्पर्क गरिहरेकाछौँ, हरेक दिन जसो इमेल पनि गरिरहेका छौँ, इमेल हेरेर कुनै जवाफ दिँदैन, अब हामीले के गर्ने ?’ कम्पनी प्रशासनको भनाइ उद्धृत गर्दै उनीहरूले भने ।
‘अर्को कुरा हामीले पनि जति सक्दो छिटो पठाउने कोसिस गरिरहेको छौँ तर नेपाल र नेपाली दूताबासबाट कुनै पनि जानकारी र स्विकृती नआएकाले हामी पनि समस्यामा परेका छौँ,’ कम्पनी प्रशासन भन्यो । उसले अगाडि भन्यो, ‘बिना कुनै जानकारी र बिना कुनै अनुमति पठाउने कुरै भएन । नेपाली दूताबासबाट नै नेपालीहरू घर जान समस्या भएको हो । हामीले यत्ति ठूलो संख्यामा कामविहीन मानिसलाई खान बस्न दिएका छौँ, नेपाली दूताबास र नेपाल सरकारले कुनै वास्ता गरेको छैन,’ कम्पनीको भनाइ रहेको छ ।
यदि फ्लाइट चार्टर गरेर पठाउने कुरामा नेपाली दूताबासले अनुमति दिएको खण्डमा दुई हप्ताभित्र एनियोल लिभ, रिजाइन, टर्मिनेट र अन्य घर जान चाहने सबै नेपालीलाई नेपाल पठाउन कम्पनी तयार रहेको उनीहरूको भनाइ छ ।
हामीले प्रत्येक क्याम्पबाट रोजगारी गुमाएका, रिजाइन दिएर बसेका तथा टर्मिनेट गरिएका नेपालीहरूको नामावली दूताबासमा बुझाएको र विगत तीन महिनादेखि दूताबासस“ग सम्पर्क गरी रोजगारी गुमाएका नेपालीहरूको बारे जानकारी गराए पनि नेपाली दूताबासले सुने पनि कानमा तेल हालेर बसिरहेको कम्पनीले जनाएको छ ।
‘तपाईहरूलाई पठाउने कुरामा हामी कत्ति पनि चुकेका छैनौँ, दूताबासबाट अनुमति आउनासाथ तुरुन्त पठाउँछौँ । हामीले नेपाल चार्टर पठाउन नमिल्ने हो भने पनि हामीलाई दैनिक रूपमा केही सिमित सिटहरू ४० देखि ५० जति सिटहरू उपलब्ध गराइयोस्, सम्म भनेका छौँ,’ कम्पनीको माथिलो निकायको एक अधिकारीले भने ।
‘केही समयअगाडि मात्र २० देखि २२ सिट उपलब्ध गराएकामा धेरै पहिलादेखि रिजाइन दिएर बसेका नेपाली नागरिक पठाएको छौँ । हामी पनि सकेसम्म छिटै नेपाली नागरिकलाई स्वदेश पठाउन चाहन्छौँ र पठाउछौँ पनि तपाईहरू धैर्य गरेर बस्नुहोस्, हामी नेपाल सरकार र नेपाली दूताबासको अनुमतिमा अड्किएको छौँ,’ कम्पनीले भन्यो । यता नेपाली दूताबाससँग यसबारे बुझ्न खोज्दा सम्पर्क हुन सकेन । ट्रान्सगार्ड ग्रुप कम्पनी युएईको सबैभन्दा ठूलो कम्पनी हो ।
-1745656903.jpeg)