दोहा– साउदीमा २०४ अवैधानिक नेपालीले बहिर्गमन भिसा पाएका छन् । बहिर्गमन भिसाका लागि गएको पसु, माघ, फागुन र अन्य समयमा निवेदन दिएकामध्ये २०४ जनाको भिसा जारी भएको साउदीस्थित नेपाली दूताबासले जनाएको छ ।
दूताबासका अनुसार साउदीको विभिन्न कम्पनी तथा प्रतिष्ठानहरूमा काम गर्दा साउदी आवासीय अनुमतिपत्र (अकामा) नबनाइएका वा नवीकरण नगरिएका कारण नेपालीहरू अवैधानिक हैसियतमा रहेका थिए ।
अवैधानिक नेपालीहरूलाई स्वदेश फर्काउन आवश्यक पर्ने बहिर्गमन भिसा सहज र शीघ्ररूपमा प्रदान गर्ने व्यवस्थाका लागि दूताबासले साउदी सरकारलाई अनुरोध गरेको र अनुरोधपछि साउदी सरकारले वहिर्गमन भिसा प्रदान गर्ने प्रक्रिया सुरू गरेको दूताबासले जनाएको छ ।
बहिर्गमन भिसाका लागि विभिन्न समयमा सम्बन्धित नेपालीहरूबाट संकलन गरेका विवरण दूताबासले केही समय अगाडि साउदी सरकारलाई उपलब्ध गराएको थियो । तर, कोरोना संक्रमणका कारण अवरूद्ध थियो । यो प्रक्रिया सुरु भइरहेको समेत दूताबासले जनाएको छ ।
दूताबासका अनुसार यो प्रक्रिया थालनीपछि साउदी सरकारले थप ६९ जना नेपालीहरूलाई बहिर्गमन भिसा जारी गरेको छ । यसअघि नै १३५ जनाले भिसा प्राप्त गरिसकेका थिए ।
यसरी बहिर्गमन भिसा प्राप्त गरेकाहरू भिसा लागेको मितिले ६० दिनभित्र आङ्खनो खर्चमा स्वदेश फर्किसक्नु पर्ने हुन्छ । भिसा प्राप्त गरेकाहरूलाई आगामी हप्ता रियाद तथा दम्मामबाट उडानहरू हुने भएकाले यी उडानबाट स्वदेश फर्कने तयारी गर्नसमेत दूताबासले भनेको छ ।
-1745656903.jpeg)