दोहा– कुवेत सरकारले आगामी १ अगस्टबाट व्यवसायिक उडान खुल्ला गर्ने तयारी थालेको छ । अरब टाइम्सका अनुसार कुवेतले दैनिक १२० देखि १३० वटासम्म उडान हुने जनाएको छ ।
छुट्टीमा रहेका नेपालीलगायत अन्य आप्रबासी कामदारले कुवेत प्रवेश गर्दा अनिवार्य रूपमा पिसिआर विधिबाट कोरोना परीक्षण गर्नु पर्ने र परीक्षणको खर्च आफैँले ब्यहोर्नु पर्ने जनाएको छ ।
अगस्टको १ बाट ब्यबसायिक उडानहरू सुचारू गराउने र शुरूवाती चरणमै दैनिक १२० देखी १३० वटासम्म उडान गराउने तयारी कुवेत सरकारले थालेको अरब टाइम्सले जनाएको छ ।
कुवेत सरकारले ३ चरणमा उडान व्यवसायिक खुलाउने जनाएको छ । पहिलो चरणमा अर्थात आगामी १ अगस्टबाट दैनिक ८ देखि १० हजार यात्रु उडाउने लक्ष्यसहित दैनिक १२० देखी १३० वटासम्म उडान गर्ने भएको छ ।
दोस्रो चरणको सुरुवात करिब ६ महिनापछि अर्थात आउ“दो १ फेब्रुअरीबाट हुनेछ भने उक्त अवधिमा दैनिक २० हजार यात्रुले उडान भर्न सक्ने गरी २०० वटासम्म उडानहरू भर्न दिइने अरब टाइम्सले जनाएको छ ।
तेस्रो चरणको उडान झन्डै १ वर्षपछि सुरु हुनेछ भने त्यस समयमा ३० हजार यात्रुले आवत्जावत गर्ने पाउने छन् । कुवेतमा कोरोना संक्रमितको संख्या ४६ हजार १९५ जना पुगेको छ । हालसम्म ३७ हजार ३० जना उपचारपछि निको भएर घर फर्किएका छन् भने हालसम्म कोरोनाका कारण ३५४ जना मृत्यु भइसकेको छ ।
-1752335779.jpg)
