दोहा– प्राय खाडी मुलुकलगायत मलेसियास्थित नेपाली दूताबासहरूले त्यहाँ कार्यरत नेपाली श्रमिकहरूको गुनासो नसुनेको, दूताबासमा सम्पर्क गर्दा फोन नउठाउने गरेको समस्या सार्वजानिक भइरहेको बेला ओमानस्थित नेपाली दूताबासले भने एक सराहनीय काम गरेको छ ।
दूताबासले आङ्खना नागरिकलाई सरकारले तोकेको भाडादरभन्दा सस्तोमा नेपाल पठाएर ओमानका लागि नेपाली राजदूत शर्मिला पराजुली ढकालले प्रशंनीय काम गरेकी छिन् ।
कोभिड–१९ को विश्वव्यापी संक्रमणको कारणबाट उत्पन्न असहज परिस्थितिका कारण स्वदेश फर्किनै पर्ने नेपाली नागरिकहरूको सम्बन्धमा नेपाली नागरिकलाई स्वदेश फर्काउन सहजीकरण पहिलो चार्टर उडानमार्फत ओमानबाट १६६ यात्रु नेपाल फर्किसकेका छन् ।
उडान सुरु हुनुपूर्व यात्रामा संलग्न सम्पूर्ण यात्रु तथा चालक दलका सदस्यहरूको कोभिड–१९ को पिसिआर स्वाब परीक्षणको नतिजा नेगेटिभ रहेको सुनिश्चित गरिएको थियो ।
विमानस्थलमा उपस्थित सम्पूर्ण नेपालीहरूलाई राजदूत शर्मिला पराजुली ढकालले स्वदेश फिर्तीका लागि नमस्कार गर्दै उनीहरूको सफल यात्रा तथा सुखमय जीवनका लागि शुभकामना व्यक्त गरेकी थिइन् ।
यात्रुहरूले स्वदेश फर्कने अवसर जुटाइदिएकोमा राजदूत तथा समस्त दूताबास परिवारलाई धन्यवाद दिएका थिए । दूताबासको सक्रियतामा चार्टर उडानमार्फत् शुलभ दरमा स्वदेश फर्कने अवसर प्राप्त भएकोमा खुशी व्यक्त गर्दै यात्रामा सहभागी सम्पूर्ण नेपालीहरूले दूताबासको कार्यको प्रशंसा गरेका थियो।
यसैगरी दोस्रो चार्टर उडान जुन १८ मा हुने गरी कार्य प्रक्रिया अगाडि बढाइएको छ । तसर्थ अन्य खाडी देशहरूबाट धमाधम उडान रद्द भइरहेको बेला ओमानस्थित नेपाली दूताबासले गरेको यो कार्यबाट अन्य देशमा रहेका नेपाली दूताबासहरूले पनि अब केहि सिक्ने कि ?
(तस्बिरमा विमानस्थल पुगेर स्वदेश फर्किन लागेका नेपालीहरूलाई बिदाइ गर्दै ओमानका लागि नेपाली राजदूत शर्मिला पराजुली ढकाल ।)
-1745656903.jpeg)