दोहा– ओमानमा कोरोनाबाट प्रभावित नेपालीलाई प्राथमिकतामा आधारमा नेपाल पठाइने भएको छ । ओमानस्थित नेपाली दूताबासका अनुसार आगामी १५ जुन १५ अर्थात १ असारका दिन सलाम एअरले नेपाली लिएर नेपाल जाने भएको हो ।
समस्यामा परेका नेपालीलाई लिएर १ असारमा सलाम एअर नेपाल जाने छ भने फर्कने नेपाली आफैँले टिकट काट्नुपर्ने एक सूचना जारी गर्दै दूताबासले जनाएको छ । दूताबासका अनुसार नेपाल फर्कन चाहने नेपालीको साथमा कोरोना जाँचको रिपोर्ट अनिवार्य हुनुपर्ने भएकाले दूताबासले त्यस उडानमार्फत नेपाल फर्कन चाहने नेपालीले तोकिएको आफूलाई पायक पर्ने ठाउँमा कोरोना जाँच गराउनसमेत अनुरोध गरेको छ ।
कोरोना जाँच गरेको नेगेटिभ रिपोर्ट प्राप्त भएपछि टिकटका लागि सलाम एअर कलसेन्टरमा सम्पर्क गर्न दूताबासले अनुरोध गरेको छ । नेपाल फर्कने नेपालीका लागि सलाम एअरले ११५ ओमानी रियाल अर्थात करिब ३७ हजार रुपैयाँ भाडा तोकिएको छ ।
पिसिआर जाँचमा नेगेटिभ रिपोर्ट आएकाहरु नेपाल पुगेर क्वारेन्टिनमा बस्न नपर्ने र सिधै घर जान पाइने दूताबासले जानकारी दिएको छ ।
-1745656903.jpeg)