दोहा– रोजगारीका लागि कुवेत पुगेका तीन नेपाली कामदारको मृत्यु भएको छ । दैलेखका ३९ वर्षीय प्रेमबहादुर चन्दको मृत्यु भएको छ । उनको के कारण मृत्यु भएको हो विस्तृत विवरण आउँन बाँकी रहेको कुवेतस्थित नेपाली दूताबासले जनाएको छ ।
मृतक चन्द लामो समयदेखि कुवेतमा काम गर्दै आएका थिए । यता, लम्जुङका तेज गुरुङले पनि आत्माहत्या गरेका छन् । उनलाई कोरोना पोजेटिभ देखिएर क्वारेन्टाइनमा राखिएको र त्यहिँ आत्महत्या गरेको जनाइएको छ ।
बाग्लुङ घर भएकी निर्मला पुन मगरको पनि मृत्यु भएको समाचार छ । उनले अत्यधिक मदिरा सेवन गरेको कारण मृत्यु भएको भनिए पनि आधिकारिक रुपमा पोस्टमार्टमको रिपोर्ट आउन बाँकी रहेको दूताबासले जनाएको छ ।
कोरोनाको कारण उडानमा अस्थायी रोक लागेपछि विदेशमा ज्यान गुमाएका नेपालीको शव अलपत्र परेको छ । कोरोनाको नियन्त्रण तथा रोकथामका लागि लागू गरिएको लकडाउनका कारण शव पठाउन समस्या भएको खाडीस्थित नेपाली दूताबासहरुले जनाएका छन् ।
नेपालमा अन्तर्राष्ट्रिय उडानमा अस्थायी रोक लागेपछिको अवधिमा कतारमा ४० जना नेपाली कामदारको मृत्यु भएको कतारस्थित नेपाली दूतावासका द्वितीय सचिब प्रवीण भट्टराईले जानकारी दिएका छन् ।
सचिव भट्टराईले दिएको जानकारी अनुसार हालसम्म ९ वटा शव कतारमै दाहसंस्कार गर्न परिवारबाट सहमति प्राप्त भएको र ३ जनाको दाहसंस्कार सम्पन्न भइसकेको छ । वैदेशिक रोजगारीमा कोरोनालगायत भिबिन्न कारणले ज्यान गुमाएका सयभन्दा बढी नेपालीको शव अलपत्र अवस्थामा छ ।
त्यहाँस्थित दूताबासका अनुसार साउदीमा ३३, युएईमा २१, कुवेतमा १०, बहराइन २ तथा ओमानमा एक जना नेपाली कामदारको शव अलपत्र अवस्थामा रहेका छन् । नेपाली सरकार गएको ११ चैतदेखि जारी गरेको लकडाउनका कारण विदेशमा अलपत्र रहेका शवसँगै समस्यामा रहेका नेपालीहरु फर्किन सकेका छैनन् ।
यता, शुक्रबार मात्र पहिलो चरणमा म्यानमार सेनाको एयरफोर्समार्फत म्यानमारमा रहेका २६ नेपालीलाई काठमाडौंमा उतारी दिएको छ भने युएईले पनि जहाज चार्टड गरेर एकसय ६८ जना नेपालीलाई नेपाल पठाएको छ ।
नेपाल सरकारले तय गरेको प्राथमिकताका आधारमा नेपाल पठाउने गरी दूताबासले सूची तयार गरेको थियो । तर, प्राविधिक कारण देखाउ“दै उनीहरुलाई युएईमै रोकिएको छ भने दूताबासको सूचीभन्दा बाहेकका नेपाली जहाजमा फर्किएका छन् ।
-1745656903.jpeg)