काठमाडौं– बिहीबारबाट मलेसियास्थित नेपाली दूतावासले कन्सुलर सेवा स्थगित गरेको छ । कोरोना भाइरसले विश्वव्यापी संक्रमण गर्ने क्रम नरोकिएपछि नेपाली दूताबासले कन्सुलर सेवाअन्तर्गत राहदानी नवीकरण, यात्रा अनुमतिपत्र, माग प्रमाणीकरणआदि सेवाहरूमा स्थगित गरेको हो ।
दूताबासले मंगलबार सूचना जारी गर्दै कामदार मागपत्र प्रमाणीकरणसम्बन्धी कार्यहरू अर्को सूचना जारी नभएसम्म स्थगन गरिएको जनाएको छ । नेपाली कामदारको प्रमुख गन्तव्यको रूपमा रहेको मलेसियाले बुधबारबाट लकडाउनका घोषणा गरेपछि दूताबासले पनि कन्सुलर सेवा १९ मार्च देखि ३१ मार्चसम्म स्थगित गरेको छ । कोरोना भाइरसको संक्रमणले विश्वव्यापी बन्दै गएपछि मलेसियास्थित नेपाली दूताबासले कन्सुलर सेवाअन्तर्गत राहदानी नवीकरण, यात्रा अनुमत्रिपत्र, माग प्रमाणीकरणआदि सेवाहरूमा स्थगित गरिएको हो ।
तर, अत्यावश्यक वा विशेष परिस्थितिमा यी सेवाहररू बिहान १० बजेदेखि १ बजेसम्म सञ्चालन हुनेछन् ।
मलेसिया सरकारको गृह मन्त्रालयबाट जारी भएको विदेशी कामदारमा पनि रोक लगाइएको छ । त्यससम्बन्धी कोटाको म्याद एक महिनाभन्दा कम रहेका मागपत्र प्रमाणीकरणका लागि प्रत्येक बिहीबार १० बजेदेखि १२ बजेसम्म दूतावासमा पेस गर्न सकिने सूचनामा उल्लेख छ ।
हालसम्म मलेसियामा पाँच सय ५३ जनामा कोरोना भाइरसको संक्रमण देखिएको छ । यसको नियन्त्रणको लागि मलेसियाको सरकारले कोरोना भाइरस नियन्त्रण र रोकथाम गर्ने उद्देश्यले बुधबारदेखि ३१ मार्चसम्मको लागि बन्द गर्ने निर्णय गरेको छ । मलेसिया सरकारले अतिआवश्यक सेवा प्रदान गर्ने सरकारी निकायहररूबाहेक अन्य सबै कार्यलयहरू बन्द रहने जनाएको छ ।
साथै, मलेसिया पुग्ने सबै विदेशी नागरिकलाई मलेसिया प्रवेशमा सो अवधिभर पूर्णरोक लगाइएको छ । त्यसमा मलेसियन नागरिकलाई विदेश जान पनि रोकिएको छ । मलेसियनहरू जो मुलुक बाहिर छन्, उनीहरू भने स्वदेश फर्कन पाउने तर यसका लागि १४ दिनसम्म क्वारेन्टाइनमा बस्नुपर्ने छ ।
नेपालमा फिर्ता जान चाहनेको हकमा हालसम्म रोक नलगाइएको दूताबासले जनाएको छ । मलेसिया सरकारले दैनिक उपभोगका सामग्री र सेवा पाउने पसल, सुपरमार्केट, औषधि पसल, अस्पताल, यातायात, प्रहरीलगायत महत्वपूर्ण सेवा दिने निकायहरू खुला रहने जानकारी दिएको छ ।
प्रकाशित मिति: बिहीबार, चैत ६, २०७६ ०५:३२
-1745656903.jpeg)