काठमाडौं - अब जापानमा रहेका विदेशी कामदारले हटलाइनमार्फत आफ्नो भाषालगायतका अन्य समस्या राख्न सक्ने भएका छन् । जापानमा रहेका विदेशी कामदारलाई भाषालगायत अन्य समस्या समाधानको लागि सहजीकरण गर्ने उदेश्यले लेबर एन्ड सोसल सेक्युरिटी एटोर्नी कार्यालयले हटलाइनको व्यवस्था गरेको जनाएको छ ।
उक्त व्यवस्थाअनुसार विशेषगरी नेपालीहरुलाई जापानी भाषाका लागि सहयोग पु¥याउन लेबर स्ट्यान्डर्ड एडवाइस हट लाइनमा श्रम समस्या सम्बन्धि निःशुल्क टेलिफोन परामर्श उपलब्ध गराइने भएको एनआरएनए जापानका अध्यक्ष नविन निउरेले जानकारी दिए । जापानको स्वास्थ्य श्रम तथा कल्याण मन्त्रालयबाट स्वीकृत प्राप्त कम्पनी अन्तरगत रहेको उक्त कार्यालयले नेपाली भाषाका लागि ०१२०–५३१–४०८ नम्बरमा सम्पर्क गर्न सकिने उल्लेख गरेको छ ।
जसका लागि बुधबार बेलुका ५ बजेदेखि राती १० बजेसम्म र आइतबार बिहान ९ बजेदेखि राती ९ बजेसम्म आफ्ना समस्या एवं गुनासाहरू राख्न सकिने व्यवस्था रहेको अध्यक्ष निउरेले बताए । हाललाई हप्ताको दुई दिन हटलाइनको व्यवस्था रहेपनि फोन आउने क्रम बढ़ेमा अन्य दिन पनि थप गर्न सकिने बताईएको छ । जापानमा रहँदा जापानीज, अंग्रेजी, नेपालीसहित १४ भाषामा श्रमसम्बन्धी परेका समस्या र गुनासा राख्न सकिने बताइएको छ ।
