काठमाडौं– वैदेशिक रोजगारीमा जान चाहने युवाहरुका लागि खाना र आवासीय सुविधासहित निःशुल्क सीप तालिम सञ्चालन हुने भएको छ । सुरक्षित आप्रवासन कार्यक्रम (सामी) परियोजनाले रोजगारीका लागि विदेश जाने तयारी गरिरहेका युवाहरुलाई लक्षित गर्दै खाने बस्ने सुविधासहित विभिन्न सीपमूलक तालिम निःशुल्क सञ्चालन गर्ने भएको हो ।
सामीले महिला र पुरुषका लागि फरक–फरक विधामा सीप तालिम दिने जनाएको छ । वैदेशिक रोजगारमा जान चाहने पुरुषहरुका लागिमात्र भएको उल्लेख गर्दै सामीले स्काफोल्डिङ (फलामको पाइपको खट बनाउने), प्लम्बर, इण्डस्ट्रियल इलेक्ट्रिसियन, वेल्डर, सटरिङ कारपेन्ट्री (फर्मा लगाउने), किचेन हेल्पर र डकर्मीको सीप तालिम दिने उल्लेख गरेको छ । हरूका लागि काठमाण्डौ, पोखरा, बुटवल लगायतका ठाउँमा खाने बस्ने सुविधासहित निःशुल्क सीप तालिम सञ्चालन हुने भएको छ ।
महिला र पुरुषका लागि फरक–फरक विषयमा सामी कार्यक्रमले निःशुल्क सीप तालिम प्रदान गर्न लागेको हो । वैदेशिक रोजगारीमा जाने तयारी गरिरहेका पुरुषका लागि विभिन्न सातवटा विषयमा तालिम सञ्चालन हुने सामीले जनाएको छ । काठमाडौं, बुटवल, बिर्तामोड र पोखरामा ३० दिनसम्म सञ्चालन हुने निःशुल्क सीप तालिममा खाने बस्ने सुविधा भए पनि अन्य खर्च प्रशिक्षार्थी आफैंले बेहोर्नुपर्ने बताइएको छ । सामीले सार्वजनिक गरेको सूचनाअनुसार मेडिकल परीक्षण र सेफ्टी सुजको शुल्क तालिममा सहभागी हुन चाहने प्रशिक्षार्थी आफैंले खर्च गर्नुपर्ने उल्लेख गरिएको छ ।
मेडिकल शुल्क उल्लेख नगरे पनि सेफ्टी सुजको एक हजार २०० रुपैयाँ लाग्ने जनाइएको छ । तालिममा सहभागी हुन छनोटको मापदण्डअन्तर्गत सबै समूहमा पासपोर्ट भएको वा पासपोर्ट बनाउन दिएको रसिद, मेडिकल पास भएको रिपोर्ट र उमेर १९ देखि ३८ वर्षसम्म हुनुपर्ने र शैक्षिक योग्यता विषयअनुसार साधारण लेखपढ गर्न सक्नेदेखि कक्षा १० सम्म उत्तीर्ण भएको हुनुपर्नेछ ।वैदेशिक रोजगारीमा जाने तयारी गरिरहेका पुरुषहरूका लागि सामीले १८ र १९ गते (आजै)देखि काठमाडौंमा स्काफोल्डिङको सीप तालिम सञ्चालन सुरु गर्ने भएको छ । त्यस्तै प्लम्बरसम्बन्धी तालिम १८ गते (आज)देखि काठमाडौंमा र २७ गतेदेखि झापाको बिर्तामोडमा सञ्चालन हुँदैछ ।
त्यसैगरी इण्डस्ट्रियल इलेक्ट्रिसियन सीप तालिम १७ गते (आइतबार) देखि पोखरामा र भदौ २४ गतेदेखि बुटवलमा सञ्चालन हुने सामीले जनाएको छ । वेल्डरसम्बन्धी तालिम पनि यही भदौ १७ गतेदेखि पोखरामा सुरु भइसकेको छ भने सटरिङ कारपेन्ट्री सीप तालिम २५ गतेदेखि काठमाडौंमा सुरु हुनेछ । यस्तै किचेन हेल्पर तथा डकर्मीसम्बन्धी सीप तालिम पनि यही आइतबारदेखि नै पोखरामा सुरु भइसकेको सामी परियोजनाले जनाएको छ ।
त्यसैगरी पुरुषहरुका लागि विभिन्न सातवटा विषयमा तालिम प्रदान गर्ने सामीले महिलाहरुलाई विशेष प्राथमिकता दिँदै हाउस किपिङ÷क्लिनर र गार्मेन्ट मेसिन अपरेटरसम्बन्धी तालिम सञ्चालन गर्ने जनाएको छ । हाउस किपिङसम्बन्धी तालिम आइतबारदेखि पोखरामा सुरु भइसकेको छ भने गार्मेन्ट मेसिन अपरेटरको तालिम २४ गतेदेखि काठमाडौंमा सुरु हुनेछ । उल्लिखित तालिम लिन १९ देखि ३० वर्ष उमेर र कक्षा ८ पास गरेको र दुई वर्षभन्दा मुनिका बालबालिका नभएको हुनुपर्नेछ । मेसिन अपरेटरका लागि यसअघि घरेलु कामदारको रूपमा विदेश नगएको हुनुपर्ने थप मापदण्ड तोकिएको छ ।
हाउस किपिङ÷क्लिनर अन्तर्गत होटल, अपार्टमेन्ट सपिङ सेन्टर, अस्पताल तथा ठूला कार्यालयमा अत्याधुनिक प्रविधि र केमिकलको प्रयोग गरी सरसफाइ तथा सजावटका गतिविधि पर्छन् । त्यस्तै गार्मेन्ट मेसिन अपरेटरसम्बन्धी तालिममा विद्युतीय मेसिनबाट सिलाइकटाई गर्ने, सिलाइको गुणस्तर कायम गर्ने र आइरन लगाउनेबारे सीप सिकाइन्छ । पछिल्लो समय गार्मेन्ट मेसिन अपरेटरको तालिम लिएर रोजगारीका लागि जोर्डन जाने नेपाली महिलाहरुको संख्या उल्लेख्य बढ्दै गएको वैदेशिक रोजगार विभागको तथ्यांकलेसमेत देखाएको छ । यसअघि नेपाली महिला श्रमिकलाई सीपयुक्त वनाएर दक्ष कामदारको रुपमा विदेश पठाउने भन्दै वैदेशिक रोजगार बोर्डले पनि निःशुल्क गार्मेन्ट मेसिन अपरेटरसम्बन्धी तालिम सञ्चालन गरेको थियो । जसमा ५०० भन्दा बढी महिला लाभान्वित भएको बोर्डले जनाएको छ ।
-1752335779.jpg)
