काठमाडौं– सरकारले वैदेशिक रोजगारीमा रहेका श्रमिकको सहजीकरणका लागि सम्बन्धित मुलुकमा रहेका नेपाली राजदूतावासहरुको क्षमता बढाउने भएको छ ।
सबैभन्दा बढी श्रमिक गएका मुलुकमा दूतावासबाट परिणामुखी काम हुन नसकेको भन्दै क्षमता बढाउन लागेको श्रम, रोजगार तथा सामाजिक सुरक्षा मन्त्रालयले जानकारी दिएको छ ।
राजधानीमा आयोजित एक कार्यक्रममा सम्बन्धित मुलुकका दूतावासको क्षमता कमजोर भएकै कारण नेपाली श्रमिकले सास्ती पाइरहेको भन्दै प्राविधिक तयारीसहित कर्मचारी थप गर्न लागिएको श्रममन्त्री शरतसिंह भण्डारीले बताए ।
‘कर्मचारीको अभावका कारण समयमै हुनुपर्ने र पाउनुपर्ने सेवा नपाएका कारण श्रमिकहरु मर्कामा परेका छन्,’ उनले भने, ‘अब सरकारले धेरै श्रमिक रहेका मुलुकका दूतावासमा प्रविधि र कर्मचारी दुवै थपेर सेवा प्रवाहलाई छिटोछरितो बनाउनेछ ।’
श्रम र श्रम सहचारी राखेको भरमामात्रै सेवा पाउन कठिन भएका कारण गन्तव्य मुलुकका स्थानीय भाषा बुझेका र श्रमिकहरुलाई सहजीकरण गर्न सक्ने कर्मचारीसहितको सुविधा यसै वर्षबाट सुरु हुनेछ ।
शरतसिंह भण्डारी
श्रममन्त्री
यसै वर्षभित्र दूतावासको क्षमता अभिवृद्धि गर्ने तयारीका साथ सरकारले काम गरिरहेको उनले बताए । यसका लागि सम्बन्धित मुलुक हेर्ने ठूला दूतावासमा कम्तीमा २० जना कर्मचारी थपेर सेवा प्रवाह गरिने मन्त्री भण्डारीले बताए ।
‘श्रम र श्रम सहचारी राखेको भरमामात्रै सेवा पाउन कठिन भएका कारण गन्तव्य मुलुकका स्थानीय भाषा बुझेका र श्रमिकहरुलाई सहजीकरण गर्न सक्ने कर्मचारीसहितको सुविधा यसै वर्षबाट सुरु हुनेछ,’ उनले भने ।
वैदेशिक रोजगारीका लागि गएका नेपाली श्रमिकहरूले एउटै काम गर्न पनि महिनौं कुनुपर्ने बाध्यता रहेको भन्दै विभिन्न माध्यमबाट गुनासो गर्ने गरेको मन्त्रालयले जनाएको छ । जनशक्ति अभावकै कारण सेवाग्राहीले समस्या समाधनका लागि दूतावासमा सम्पर्क गर्दा समयमै सेवा पाउन नसकेपछि सरकारले कर्मचारी थप गरी सहजीकरण गर्न लागेको बताइएको छ ।
-1752335779.jpg)
