काठमाडौं - वैदेशिक रोजगार बोर्ड सचिवालयले सूचीकृत अवस्थामा रही म्याद सकिएका आप्रवासी स्रोत केन्द्र र उपकेन्द्रलाई नवीकरण गर्न आग्रह गरेको छ । बोर्ड सचिवालयले बिहीबार एक सूचना जारी गर्दै उक्त केन्द्रहरुलाई नवीकरण गर्न आग्रह गरेको हो ।
बोर्डले सूचीकृत हुन चाहने नयाँ केन्द्रहरुलाई पनि सूचीकरणका लागि आग्रह गरेको छ । आप्रवासी स्रोत केन्द्र र उपकेन्द्र सञ्चालन तथा व्यवस्थापनका लागि २०७९/८० मा आप्रवासी स्रोत केन्द्र (सञ्चालन तथा व्यवस्थापन) कार्यविधि, २०७८ बमोजिम सूचीकृत भएका केन्द्रहरुलाई स्थानीय तहको सिफारिससहित २०८० भदौ १५ सम्म नवीकरणका लागि निवेदन पेस गर्न बोर्डले समयसीमा तोकेको छ ।
हाल वैदेशिक रोजगारीलाई सुरक्षित, म¥यादित र व्यवस्थित बनाउने नेपाल सरकारको उद्देश्यलाई सहयोग पु¥याउने उद्देश्यले स्थानीय तहबाट नै सम्बन्धित कामदार तथा उनीहरुका परिवारलाई आधिकारिक सूचना, परामर्श तथा अन्य आवश्यक सेवा प्रदान गर्न आप्रवासी स्रोत केन्द्र र उपकेन्द्र सञ्चालन हुँदै आएका छन् । यस्तो सेवा प्रदान गर्न केन्द्रहरुले बोर्डमा सूचीकृत एवं नवीकरण गर्नु अनिवार्य छ ।
-1752335779.jpg)
