काठमाडौं - वैदेशिक रोजगारीका लागि साइप्रस पठाइदिने भन्दै ठगी गरेको आरोपमा प्रहरीले एक जनालाई पक्राउ गरेको छ । साइप्रसमा आकर्षक तलबसहितको रोजगारी लगाइदिने भन्दै पीडितसँग रकम संकलन गरी फरार रहेको आरोपमा राजन गिरीलाई प्रहरीले पक्राउ गरेको हो ।
सिन्धुलीको सुनकोशी गाउँपालिका स्थायी घर भई हाल काठमाडौं डल्लु बस्ने ३३ वर्षीय गिरीले सौरभ नेपाललाई साइप्रस जान प्रतिव्यक्ति छ लाख रुपैयाँ लाग्ने र त्यहाँ पुगेपछि प्रतिष्ठित कम्पनीमा काम लागाइदिने भन्दै पटक–पटक गरी दुई लाख रुपैयाँ लिएर ठगी गरेको प्रहरीले जनाएको छ ।
उनले पीडितलाई साइप्रसमा एक लाख रुपैयाँभन्दा बढी मासिक तलब हुने भनी विश्वास दिलाई पैसा लिएर सम्पर्कविहीन भएको अवस्थामा पक्राउ गरिएको प्रहरीले जनाएको छ । गिरीलाई खोजतालासका क्रममा लाजिम्पाटबाट पक्राउ गरिएको प्रहरीले जनाएको छ ।
गिरीलाई काठमाडौं उपत्यका अपराध अनुसन्धान कार्यालयबाट खटिएको विशेष प्रहरी टोलीले पक्राउ गरेको बताइएको छ । पीडितबाट पटक–पटक गरी रकम लिएर सम्पर्कविहीन भएको उजुरीका आधारमा वैदेशिक रोजगार विभाग काठमाडौंले पक्राउ गरी उपस्थित गराइदिन प्रहरीलाई पत्राचार गरेको थियो ।
सोही आधारमा पक्राउ परेका उनलाई थप अनुसन्धान तथा कारबाहीका लागि विभागकाठमाडौंले पक्राउ गरी उपस्थित गराइदिन प्रहरीलाई पत्राचार गरेको थियो । सोही आधारमा पक्राउ परेका उनलाई थप अनुसन्धान तथा कारबाहीका लागि विभागमा बुझाइएको प्रहरी उपरीक्षक रवीन्द्र रेग्मीले जानकारी दिए ।
