काठमाडौं - वैदेशिक रोजगारीमा पठाइदिने भन्दै विभिन्न व्यक्तिलाई ठगी गरेको आरोपमा प्रहरीले दुई जनालाई पक्राउ गरेको छ । रोमानिया र मरिससमा आकर्षक तलबसहितको रोजगारी लगाइदिने भन्दै पीडितहरुबाट रकम संकलन गरी फरार रहेको आरोपमा ससिनकुमार थापा र भविन्द्रनाथ लामालाई प्रहरीले पक्राउ गरेको हो ।
बर्दियाको ठाकुरबाबा नगरपालिका स्थायी घर भई हाल काठमाडौं बाफल बस्ने २९ वर्षीय थापाले सन्तोष गुरुङसमेत दुई जनालाई रोमानिया जान प्रतिव्यक्ति छ लाख रुपैयाँ लाग्ने र त्यहाँ प्रतिष्ठित होटलमा काम लागाइदिने भन्दै पटक–पटक गरी चार लाख रुपैयाँ लिएर ठगी गरेको प्रहरीले जनाएको छ ।
उनले पीडितहरुलाई रोमानियामा एक लाख रुपैयाँभन्दा बढी मासिक तलब हुने भनी विश्वास दिलाई पैसा लिएर सम्पर्कविहीन भएको अवस्थामा पक्राउ गरिएको प्रहरीले जनाएको छ ।त्यस्तै सिरहाको गोलबजार नगरपालिका–६ स्थायी घर भई हाल काठमाडौं वनस्थली बस्ने ४४ वर्षीय लामाले यमबहादुर नेपालीलाई रोजगारीका लागि मरिसस जान चार लाख ५० हजार रुपैयाँ लाग्ने भन्दै पटक–पटक गरी पूरै रकम लिएर ठगी गरेको प्रहरीले जनाएको छ ।
मरिससमा गार्मेन्टसम्बन्धी काम गरेबापत मासिक एक लाख रुपैयाँ तलब हुने भन्दै विश्वास दिलाई प्रलोभनमा पारी रकम संकलन गरी सम्पर्कविहीन अवस्थामा लामालााई पक्राउ गरिएको प्रहरीले उल्लेख गरेको छ । उनलाई बनस्थलीबाट पक्राउ गरिएको हो ।
उनीहरु दुबै जनालाई काठमाडौं उपत्यका अपराध अनुसन्धान कार्यालयबाट खटिएको विशेष प्रहरी टोलीले पक्राउ गरेको हो । उनीहरुलाई थप अनुसन्धान तथा कारबाहीका लागि वैदेशिक रोजगार विभागमा बुझाइएको
प्रकाशित मिति: मंगलबार, असार १९, २०८० ०७:३८
-1752335779.jpg)
