काठमाडौं - संयुक्त अरब इमिरेट्स (युएई)स्थित नेपाली दूतावासले जेठ महिनाको कार्यसम्पादन विवरण सार्वजनिक गरेको छ । दूतावासले २०८० जेठ महिनामा सम्पादन भएका प्रमुख सेवाहरुको तथ्यांकीय विवरण सार्वजनिक गरेको हो ।
दूतावासले नेपालीहरुको समस्या समाधान तथा सहजीकरणमा गरेको कार्यसम्पादन तथा प्रगति विवरणमा जेठमा तीन हजार ४२८ पासपोर्ट नवीकरणका लागि संकलन भएको उल्लेख गरिएको छ । दुई हजार ६३१ वटा पासपोर्ट नवीकरणपश्चात् वितरण गरिएको जनाएको छ ।
त्यस्तै ३४ जनालाई भिसा प्रदान गरिएको, १२१ जनाको ट्राभल डकुमेन्ट बनाइएको विवरणमा उल्लेख छ । यसैगरी १७२ जनाको कागजात प्रामाणीकरण गरिएको छ ।
साथै, ४५० वटा व्यक्तिगत भिसा प्रमाणीकरण भएको जनाइएको छ । संस्थागतरुपमा आएका १५९ वटा मागपत्र प्रमाणीकरण भएको दूतावासले जनाएको छ । ८८ वटा समूहगत भिसा प्रमाणीकरण गरेको दूतावासले जेठ महिनामा विभिन्न कारणले युएईमा मृत्यु भएका नेपालीको २१ वटा शव व्यवस्थापन भएको उल्लेख गरेको छ ।
यस्तै विभिन्न माध्यमबाट आएका ४६८ वटा गुनासा तथा उजुरीहरुको सम्बोधन गर्दै जेठमा कामदारलाई क्षतिपूर्ति र बिमाबापत पाँच लाख २७ हजार ६७४ एइडी अर्थात् झण्डै एक करोड ८८ लाख ३४ हजार रुपैयाँ खर्च भएको दूतावासले विवरणमा समेटेको छ ।
प्रकाशित मिति: शुक्रबार, असार ८, २०८० ०७:२७
-1745656903.jpeg)