काठमाडौं – गत १२ फेब्रुअरी बुधबार २०२० का दिन कुवेतको अल मुत्ला क्षेत्रमा बालुवाको ढिस्कोले पुरिएर कार्यक्षेत्रमै ज्यान गुमाएका ६ जना नेपालीको परिवारलाई सम्पर्कमा आउन सुरक्षित आप्रवासन परियोजना (सामी)ले आग्रह गरेको छ ।
कुवेतमा भएको सो दुर्घटनामा ज्यान गुमाउने नेपाली आप्रवासी कामदारका परिवारलाई कुवेतमा गरिएको जीवन बिमा रकम उपलब्ध गराउन सामीले निःशुल्क कानुनी सहायता गर्ने भएकाले ज्यान गुमाउने कामदारका परिवारलाई सम्पर्कमा आउन आग्रह गरेको सामीका राजेश भण्डारीले बताए ।
भण्डारीले भने ‘गत १२ फेब्रुअरीमा चिनियाँ कम्पनी सिजिजिसीले निर्माणको जिम्मा लिएको मुत्ला सिटी प्रोजेक्टको निर्माणस्थलमा काम गरिरहँदा एक्कासि बालुवा र ढुंगा खसेर कार्यक्षेत्रमा रहेका नेपालीमध्ये ६ जनाको मृत्यु र २ जना घाइते भएकाले उनीहरूलाई कुवेतबाट आर्थिक क्षतिपूर्ति दिलाउन सामीले आवश्यक कानुनी सहायता निःशुल्क गर्ने छ,’ उनले थपे, ‘कतिपय अवस्थामा मृत्यु वा अंगभंग भएमा सम्बन्धित देशले जीवन बिमा रकम उपलब्ध गराउन आनाकानी गर्ने वा नदिने भएकाले पीडितहरूलाई क्षतिपूर्ति दिलाउन सामीले सहयोग गर्नेछ ।’
उनका अनुसार त्यसका निम्ति कानुनी प्रक्रियामार्फत नै अगाडि बढ्नु पर्ने हुन्छ । त्यसैले सुरक्षित आप्रवासन परियोजना (सामी)ले सो दुर्घटनामा ज्यान गुमाउने नेपाली कामदारका परिवारलाई कुवेतमा गरिएको जीवन बिमा रकम उपलब्ध गराउन सामीले निःशुल्क कानुनी सहायता प्रदान गर्ने उनले बताए ।
सुरक्षित आप्रवासन परियोजना (सामी) हेल्बेटासको प्राविधिक सहयोगमा नेपाल सरकार र स्विट्जरल्यान्ड सरकारको द्विपक्षीय पहलमा स्थापना भएको हो । यसको हालको तेस्रो चरण (२०१८–२०२२) मा, काठमाडौंसहित ३९ जिल्लामा श्रम प्रवासको उच्च दरको साथ काम गर्दै छ । यस परियोजनाको समग्र लक्ष्य भनेको आप्रवासी र तिनका परिवारहरू सम्बन्धित नेपाली संस्थाले सुरक्षित राख्नुपर्दछ र विदेशमा मर्यादित कामको अवस्थाबाट फाइदा लिन सक्दछन् । कार्यान्वयनको परियोजनाको पहिलो चरण (२०११–२०१८) को माध्यमबाट, सामीले वैदेशिक रोजगार प्रशासन र आप्रवासी र उनीहरूको परिवारको सुरक्षा सुधार गर्न ठोस मोडेल र दृष्टिकोण प्रस्ताव गरेको हो । थप रूपमा सामीको तेस्रो चरणले राज्यको संघीयकरण प्रक्रियाको सन्दर्भमा लिन्छ, जसले विदेशी रोजगारसहित स्थानीय सरकारहरूलाई (पालिका) विशेष महत्वपूर्ण दिने उद्देश्यले सामीको स्थापना भएको बताइन्छ ।
कुवेतको अल मुत्ला क्षेत्रमा बालुवाको ढिस्कोले पुरिएर कार्यक्षेत्रमा भएको दुर्घटनामा ज्यान गुमाएका ६ जना नेपालीमा पाल्पाका एकबहादुर गाहा मगर, राहदानी नं ०८३४६२७६, सिराहाका गंगाराम चौधरी, राहदानी नं ०६९४९९६८, रोल्पाका राजु रोका मगर, राहदानी नं – १०६२४०८६, नवलपरासीका पूर्णबहादुर सुनारी मगर, राहदानी नं ०६४४४००८, ताप्लेजुङका वसन्त गुरुङ र दाङका श्यामनारायण चौधरीको परिवार तथा आफन्तहरूले काठमाडांैस्थित सुरक्षित आप्रवासन परियोजना (सामी) कार्यालयमा सम्पर्क गर्न सक्ने भण्डारीले बताए ।
प्रकाशित मिति: मंगलबार, फागुन ६, २०७६ ०५:१८
-1745656903.jpeg)