काठमाडौं - सरकारले व्यक्तिगत भिसामा युनाइटेड अरब इमिरेट्स (युएई) जान कडाइ गर्ने भएको छ । विगत केही समयदेखि नेपालबाट व्यक्तिगत श्रम स्वीकृति लिई युएई जाने र विभिन्न कारणले ठगीमा पर्ने गरेको उल्लेख गर्दै युएईस्थित नेपाली दूतावासले कडाइ गर्ने जनाएको हो ।
व्यक्तिगत श्रम स्वीकृति लिएर युएई जाने नेपाली श्रमिकहरू विभिन्न कारणले ठगीमा परेका र करार सम्झौतामा उल्लेख भएअनुसारको तलब तथा सेवासुविधा नपाएको गुनासो आउने गरेकोप्रति दूतावासको ध्यानाकर्षण भएको जनाएको छ ।
यसै सन्दर्भमा व्यक्तिगत भिसा प्रमाणीकरणलाई थप व्यवस्थित, सुरक्षित र मर्यादित बनाउन आवश्यक भएकाले सम्बन्धित निकायको निर्देशन अनुसार भिसा दिने दूतावासले उल्लेख गरेको छ । जसअन्तर्गत पहिलो एकाघरका परिवारको सदस्य खुल्ने स्थानीय तहबाट भएको नाता प्रमाणितको कागजातलाई कन्सुलर सेवा विभागबाट प्रमाणीकरण भएको आधारमा भिसा प्रमाणीकरण गरिने छ भने अर्को एक समय युएईमा काम गरेका पूर्वकामदारको हकमा भिसा प्रमाणीकरण हुने दूतावासले प्रस्ट पारेको छ ।
