काठमाडौं– भारतमा काम गर्दै आएका एक नेपाली नागरिकको भारतमा गोली हानी हत्या भएको छ । भारतीय प्रहरीका अनुसार सप्तरीका बोदेबर्साइन नगरपालिका वडा नम्बर १० खडगपुर अमरैयाका २२ वर्षीय डम्बर यादवको हत्या भएको हो ।
बोदेबर्साइन नगरपालिका–८ स्थित एक ग्यारेजमा काम गर्दै आएका यादव ग्यारेजकै कामका निम्ति भारतको झन्झारपुर गएका थिए । ग्यारेज मालिक सत्येन्द्र यादवले राखेको भारतीय नम्बरको स्कारपियो गाडीमा झन्झारपुर गएका उनीमाथि फर्किँदै गर्दा मंगलबार गोली प्रहार गरिएको थियो ।
घटना भएको समयमा सत्येन्द्रका भाइ सुरेन्द्र र बोदेबर्साइन ८ का अनिल यादवसँगै रहेका थिए । सत्येन्द्रले नै प्रयोग गर्ने भारतीय नम्बर प्लेटको स्कारपियो लिएर गएका उनलाई घर फर्कने क्रममा पछाडिबाट मोटरसाइकलमा आएको समूहले गोली प्रहार गरेको पारिवारिक स्रोतको भनाइ छ । पहिलो गोली स्कारपियोको टायर र दोस्रो गोली डम्बरलाई लागेको थियो ।
प्रकाशित मिति: शुक्रबार, फागुन २, २०७६ ०५:०५
-1745656903.jpeg)