काठमाडौं– नेपाल लोकतान्त्रिक वैदेशिक रोजगार व्यवसायी फोरमको अध्यक्षमा नरेन्द्र ढकाल विजयी भएका छन् । शुक्रबार सम्पन्न भएको निर्वाचनमा ढकालले १०३ मत हासिल गर्दै विजयी भएका हुन् ।
उनका निकटतम् प्रतिद्वन्द्वी भुवनसिंह गुरुङलाई ४७ मतले पराजित गरेका छन् । निवार्चनबाट अध्यक्षको प्रतिस्पर्धीमध्ये ढकालले १०३ मत, गुरुङले ५६ मत प्राप्त गरेका थिए । अर्का अध्यक्षका प्रत्यासी ऋषिप्रसाद शर्माले ४४ मत र सीता देवकोटाले ३९ मत ल्याएका थिए ।
त्यस्तै, वरिष्ठ उपाध्यक्ष पदमा तारानाथ अर्यालले बाजी मारेका छन् । उनले निकटतम् प्रतिद्वन्द्वी भगीरथ राई (रमेश) लाई २१ मतले पराजित गरे । निवार्चनमा वरिष्ठ उपाध्यक्ष पदका लागि क्रमशः अर्यालले १०४ मत, राईले ८३ र अर्का प्रत्यासी थिरमणि पौडेलले ५३ मत ल्याएका थिए ।
त्यस्तै, द्वितीय उपाध्यक्ष पदका लागि जनक खड्का (प्रकाश) ले मोहनकुमार ढुंगेललाई ८७ मतले हराउँदै विजय हासिल गरेका छन् । द्वितीय उपाध्यक्षमा क्रमशः खड्काले १६३ मत ,ढुंगेलले ७६ मत र मित्रदेव घिमिरे (गोपाल)ले ६१ मत प्राप्त गरेका थिए ।
त्यसैगरी, महासचिव पदमा लागि भवानी निरौलाले ६७ मतले चिरञ्जीवी बस्याललाई हराउँदै विजयी भएका हुन् । निर्वाचनमा क्रमशः निरौला र बस्यालले १५३ र ८६ मत प्राप्त गरेका थिए ।
यता, सचिव पदका लागि भएको निर्वाचनमा कमल काफ्लेले ८२ मतले निकटतम्् प्रतिद्वन्द्वी प्रकाश बोहरालाई हराउँदै विजयी भएका छन् । निर्वाचनमा उनीहरूले क्रमशः १६० र ७८ मत ल्याएका थिए । निर्वाचनमा कमल काफ्ले सबैभन्दा बढी मत ल्याएका विजयी भएका छन् ।
त्यस्तै, कोषाध्यक्षमा कृष्णकुमार जैसीले उनको निकटतम् प्रतिद्वन्दी सञ्जय पनेरुलाई ३४ मतल हराउँदै विजयी हासिल गरेका छन् । निवार्चनमा क्रमशः जैसीले १०३, पनेरुले ६९ मत र इन्द्रप्रसाद आचार्यले ६७ मत ल्याएका थिए ।
तर, सहकोषाध्यक्ष पदमा लागि अमीर बास्तोला निर्विरोध निर्वाचित भएका छन् । सदस्यहरू पदका लागि ईश्वर सापकोटा, नारायण भुषाल, तोरणकुमार कार्की, चन्द्रबहादुर लिम्बू, सेतेलाल पौडेल, नरेन्द्रमणि पराजुली, विक्रम श्रेष्ठ, नगेन्द्रप्रसाद पोखरेल (नवीन), राजेश गौतम र राजेश यादव निर्विरोध निवार्चित भएका हुन् ।
साझा अवधारणा बनाउने प्रतिबद्धता
यसैबीच, नवनिर्वाचित अध्यक्ष ढकालले अब वैदेशिक रोजगार क्षेत्रमा गठित विभिन्न संघसंस्थाहरूसित मिलेर साझा अवधारणा बनाएर जाने बताएका छन् । आजदेखि नै ऐन, नीति व्यवसायी, कामदरमैत्री छन् कि छैनन् भनेर छलफल चलाउने उनले बताए ।
विभिन्न राजनीतिक दलहरूको भ्रातृ सगंठनसँग छलफल गरेर व्यवसायमा आएको समस्यालाई समाधान गर्न अघि बढ्ने, परिहालेमा विभिन्न अन्तक्र्रियासमेत आयोजना गरेर व्यवसायी र कामदरहरूको हकहितमा काम गर्ने उनले बताएका छन् । मुख्यगरी, अत्यन्तै विवादमा रहँदै आएको सेवाशुल्कको समस्यालाई समाधान गर्ने बाटो पहिल्याउने पनि बताए । साथै, सबैको साझा अवधारणा बनाउन क्षेत्रीय, भेगीय, गुरुङ, तामाङ, तराई मधेसीलगायत संंघसंस्थाहरूसित बैठक बसेर साझा अवधारणा बनाएर संघलाई अगाडि बढाउने आफ्नो पहिलो प्राथमिकता हुने बताए ।
