काठमाडौं– कोरियन मानव संसाधन विकास सेवा विभाग (एचआरडी) ले २०१९ को सीप परीक्षामा असफल भएका विद्यार्थीहरूको माग अस्विकार गरेको छ । यसअघि २०१९ मा सीप परीक्षा असफल विद्यार्थीहरूले एचआरडीबाट सार्वजनिक गरिएको नजिता त्रुटिपूर्ण भएको भन्दै पुनः सीप परीक्षामा सामेल हुन पाउनुपर्ने, आँखा र शारीरिक रूपमा कमजोरीबाहेकका विद्यार्थीलाई पास गर्नुपर्नेलगायत माग राखेकामा यसलाई एचआरडीले अस्विकार गरेको हो ।
२०२० का लागि २०१९ मा ९२ हजार ३ सय ५६ जना आवदेकमध्ये १२ हजार १० जनाले भाषा परीक्षा उत्तीर्ण गरेका थिए । तर यो वर्षबाट लिइएको सीप परीक्षामा ६ हजार ७ सय जनामा मात्र उत्तीर्ण भए । जसमध्ये कृषि र उत्पादन दुवैमा ४ हजार २ सय विद्यार्थी सीप परीक्षामा अनुत्तीर्ण भएका थिए । तर, सीप परीक्षामा असफल भएका विद्यार्थीहरूले एचआरडीबाट सार्वजनिक भएको नतिजा पारदर्शी नभएको, क्षमता भएका विद्यार्थीहरू असफल भएर कम क्षमता भएका विद्यार्थीलाई उत्तीर्ण गराइएको भन्दै वैदेशिक रोजगार विभाग र ई.पी.एस. कार्यलयमा सीप परीक्षाको नतिजा खारेज गर्न माग गरेका थिए ।
त्यसपछि विभागका महानिर्देशक डा. भीष्मकुमार भुषाल, इपिएस सेन्टर नेपालका निर्देशक पार्क सुङ हि, इपिएस शाखा निर्देशक कृष्णप्रसाद खनाल र इपिएस सेन्टरका व्यवस्थापक मुनाल राईले संयुक्त बैठक बसी विद्यार्थीको मागको बारेमा छलफल गरेर नयाँ निर्णय गरी विद्यार्थीको मागलाई एचआरडीमा पठाएको थियो । तर, एचआरडीले १४ गते लिइएको सीप परीक्षाको नतिजामा मात्र प्राविधिक समस्या भएको र अन्य सबै दिनको नतिजा ठिक भएकाले १४ गतेको नतिजालाई पुनः परीक्षण गरेर नयाँ नतिजा सार्वजनिक ग¥यो । एचआरडीले १४ गतेको नतिजा पुनः परीक्षण गरेर सार्वजनिक गरेपछि सीप परीक्षामा असफल भएका विद्यार्थीहरू आफ्नो मागलाई सम्बोधन गर्न भन्दै झन् आन्दोलनमा उत्रिएका थिए ।
तर, अहिले सीप परीक्षामा असफल भएका र विभागसहितको निर्णयलाई पनि एचआरडीले अस्विकार गरेको विभागका महानिर्देशक डा.भुषालले बताएका छन् । उनका अनुसार विभागले गरेको २०१९ मा सीप परीक्षा असफल भएकाले पुनः सीप परीक्षामा सामेल हुन पाउनुपर्ने, आँखा र शारीरिक रूपमा कमजोरीबाहेकका विद्यार्थीलाई पास गर्नुपर्ने गरेको माग एचआरडी कोरियाले कामदार रोजगार प्रक्रियाविपरीत हुने भएको भन्दै अस्विकारका गरेको छ ।
उनले भने, ‘कोरियाको भाषा र सीप परीक्षादेखि लिएर सबै लाने÷नलाने भन्ने कुरा उसको हातमा हुने भएकाले हामीले प्रक्रिया मात्र पु¥याउने हुनाले हामी यसबारे जिम्मेवारी हुँदैनौँ ।’
तर, यता सीप परीक्षामा असफल भएका झापाका सचिन कार्कीले कोरियाले आफ्नो मात्र नभएर सबैको भविष्यमा खेलबाड गरेकाले २०२० मा हुने भाषा परीक्षा खारेज हुनुपर्ने बताउँछन् । त्यस्तै, नेपालगन्जका प्रकाश कठायतले पनि थप्दै भन्छन्, ‘आफूले गरेको मागहरू सम्बोधन गरेर २०१७ देखि बाँकी रहेका सबै विद्यार्थीहरूलाई लानुपर्छ ।’
प्रकाशित मिति: बुधबार, माघ १, २०७६ ०५:१६
-1752335779.jpg)
