काठमाडौं– कुवेतस्थित नेपाली राजदूताबासले बुधबारबाट फेम्स लागू गर्ने भएको छ । वैदेशिक रोजगार विभागले अंग्रेजी नयाँ वर्षबाट सुरु गरेको वैदेशिक रोजगार सूचना व्यवस्थापन प्रणाली (फेम्स) लाई कतारस्थित राजदूताबासले बुधबारदेखि लागू गर्ने भएको हो ।
वैदेशिक रोजगार विभागले १ जनवरी २०२० फेम्स सञ्चालनमा ल्याए तापनि कतारस्थित दूताबासले भने १५ जनवरीबाट मात्र सुरु गर्ने भएको बताइएको छ ।
यता, नेपाल वैदेशिक रोजगार व्यवसायी संघको आयोजना र विभागको उपस्थितिमा दुई दिनसम्म चलेको फेम्स सञ्चालनको तालिमपश्चात पनि म्यानपावर व्यवसायीहरूले पूर्ण रूपमा फेम्स लागू गर्न सकेका छैनन् ।
यता, नेपाल वैदेशिक रोजगार व्यवसायी संघका महासचिव सुजितकुमार श्रेष्ठले सबै राजदूताबासले प्रयोग गरेपछि सबै म्यानपावर व्यवसायीहरूले कार्यान्वयनमा लैजाने जानकारी दिएका छन् ।
उनका अनुसार दूताबासबाट फेम्स कार्यान्यनमा ढिला गरेकाले आएको माग पनि अनलाइनमा नगएको र दूताबासले कार्यान्यनमा ल्याएपछि सबैले लागू गर्ने छन् ।
त्यस्तै, फेम्सबमोजिम १५ दिनभित्र म्यानपावर कम्पनीले वैदेशिक रोजगारमा कामदार नपठाए त्यस्को पुनः विज्ञापन गर्नुपर्ने छ । तर, यसलाई महासचिव श्रेष्ठले भने अव्यवहारिक भएको बताएका छन् । कुनै पनि मुलुकमा कामदार पूर्ति गर्नुपर्ने अवधि २ वर्षको हुन्छ तर फेम्सले भने १५ दिन मात्र तोकेकाले यसले सिंगो प्रणालीलाई असर पु¥याउने उनले प्रभाव दैनिकसँगको कुराकानीमा बताए ।
यसबारे महानिर्देशक डा.भीष्मकुमार भुषालसँग कुराकानी भइरहेको उनले बताएका छन् । फेम्स व्यवसायीका लागि नै भएकाले व्यवसायीको समस्यालाई पनि विभागले पुनर्विचार गर्ने उनले बताएका छन् । उनले भने, ‘यसबारे महानिर्देशकसँग कुरा भइरहेको छ । उहाँले यसबारे बसेर समाधान गर्ने बताउनु भएको छ ।’
प्रकाशित मिति: मंगलबार, पुस २९, २०७६ ०५:२६
-1745656903.jpeg)