दोहा– ‘नेपाल भ्रमण वर्ष २०२०’ लाई सफल पार्न नेपाली दूताबास कतारले विशेष कार्यक्रम आयोजना गर्दै नेपाल भ्रमण वर्ष २०२० को औपचारिक उदटन गरेको छ । नेपाल सरकारले सन् २०२० मा २० लाख पर्यटक भित्र्याउने लक्ष्यलाई साथ दिँदै नेपाली दूताबास कतारले पनि उक्त कार्यक्रमको आयोजना गरेको हो ।
कतारका लागि नेपालका राजदूत डा.नारदनाथ भारद्वाज र कतार एक्स्ट्रिम स्पोर्ट्सका संस्थापक र संरक्षक फरहान अल शेख अल सइदले बत्ती बालेर कार्यक्रमको उद्घाटन गरेका थिए ।
कार्यक्रममा अन्तर्राष्ट्रिय फुटबल महासंघ कतारका अध्यक्ष अब्दुल्लाह युसुफ ए फाखरु, बेल्जियम, संयुक्त राज्य अमेरिका र युएईका लागि कतारका पूर्वराजदूत, सलेम अल मारारी, कटारा सांस्कृतिक गाउ“ प्रतिष्ठानका पिआर प्रबन्धक, वरिष्ठ अधिकारीहरू र कतारमा ट्राभल टुर अपरेटर्सका प्रतिनिधिहरू, वरिष्ठ अधिकारीहरू र प्रतिनिधिहरू मनी एक्सचेन्ज कम्पनीहरू, कतारका व्यापारीहरू, गैरआवासीय नेपाली संघका वरिष्ठ अधिकारीहरू र कतारमा रहेका नेपाली समुदायको उपस्थिति रहेको थियो ।
कार्यक्रममा नेपालको पर्यटन हाइलाइट्स र आकर्षण सम्बन्धी एक संक्षिप्त भिडियो प्रस्तुत गर्दै नेपालका प्रमुख पर्यटन स्थलहरू र नेपाल भ्रमणका लागि आवश्यक पर्ने कार्यक्रमहरूको पनि प्रस्तुतीकरण गरिएको दूताबासले जनाएको छ ।
समारोहलाई सम्बोधन गर्दै डा.भारद्वाजले नेपाल र कतारबीचको घनिष्ट र सौहाद्र्रपूर्ण सम्बन्धको चर्चा गर्दै नेपालको पर्यटन सम्बन्धी प्रकाश परेका थिए भने कतारका नागरिकहरू र प्रवासी समुदायका सदस्यहरूलाई २०२० मा परिवार र साथीहरूसँग नेपाल जान आग्रह गरेका थिए ।
‘नेपाल प्रकृति, संस्कृति र साहसको सुन्दर दृश्य हो । यो कतारबाट केही छोटो उडान मात्र हो । नेपालीहरू संसारका एक अति अतिथि सत्कार गर्नेहरू हुन् र उनीहरूलाई देवताहरू जस्तो स्वागत गर्छन्,’ राजदूत अगाडि भने, ‘नेपाल भ्रमण गर्नुको अर्थ पनि नेपालको शान्ति, प्रगति र समृद्धिको चाहनालाई समर्थन गर्नु हो ।’ उनले कतारका ट्राभल र टुर अपरेटरहरूलाई नेपालमा आकर्षक पर्यटन प्याकेजको उच्च सम्भाव्यतामा पैसा कमाउन प्रोत्साहित गरेका थिए ।
राजदूत डा.भारद्वाजले कतारी नागरिक अब्दुल्लाह युसुफ रहमान अल फख्रुलाई २०२० मा पहिलो भिजिट भिसा प्रदान गरेका थिए । फख्रु अहिले नेपाल पुगिसकेका छन् । उनी कतारका पूर्वकूटनीतिक क्षेत्रमा काम गरेका प्रख्यात व्यक्तित्व हुन् ।
यता, भ्रमण वर्ष २०२० को औपचारिक उद्घाटन गरेसँगै दूताबास र एनआरएनए एनसिसी कतारले संयुक्त रूपमा कतारमा भिजिट नेपाल २०२० अभियानको प्रचार प्रसारलाई पनि तिव्रता दिएको छ । दोहाको मुख्य ठाउँ कर्नेसको करिब ५ किलोमिटरमा ब्यानरसहित परेड गर्दै कर्नेस परिक्रमा गरेको थियो ।
परेडमा कतारका लागि नेपाली राजदूत डा.भारद्वाज, एनआरएनए सचिव राजेन्द्रकुमार शर्मा, सल्लाह टिवी कार्कीलगाएत अगुवा र अन्य सामाजिक ब्यक्तित्वको उपस्थिति रहेको एनआरएनए एनसिसी कतारका प्रवक्ता सन्तोष क्षत्री जानकारी दिए ।
-1745656903.jpeg)