दोहा– भारतले हालै जारी गरेको नयाँ नक्सामा नेपालको भूभाग कालापानी, लिपुलेक र लिम्पियाधुरालाई आङ्खनो भूभागका रूपमा देखाएकोप्रति नेकपाको प्रवास संगठन प्रवासी नेपाली मञ्च कतार र जनप्रगतिशिल मञ्च कतारले विरोध जनाएका छन् । मञ्चद्वारा आइतबार विज्ञप्ति जारी गर्दै हालै मात्र नेपालका केही भूभाग (कालापानी, लिपुलेख र लिम्पियाधुरा) लाई भारतले आङ्खनो देशको नक्सामा समाबेश गरी सार्बजनिक गरेकोमा नेकपाको प्रबास संगठन प्रबासी नेपाली मञ्च कतार र जनप्रगतिशिल मञ्च कतारको ध्यानाकर्षण भएको भन्दै यस्ता कार्यको विरोध गरेका हुन् ।
अंग्रेजहरूको युद्धले भारतलाई कब्जा ग¥यो तर नेपालसँग हार खाएर भागेको भन्दै भारतको विस्तारवादी नीति स्वरूप नेपालमाथिको यो हवला देश र जनताका लागि किमार्थ मान्य नहुने विज्ञप्तिमा जनाइएको छ ।
विज्ञप्तिमा भनिएको छ, ‘सौहाद्र्रपूर्ण बाताबरणमा राजनीतिक बहसबाट नै यसको अन्त्य होस् भन्ने चाहन्छौँ । यदि नेपालमाथिको स्वाभिमानलाई कुल्चेर जबर्जस्ती हस्तक्षेप गर्छ भने प्रबासबाट हामी नेपाली प्रतिकारमा उत्रिन तयार छौँ ।’
विज्ञप्तिमा चेतावनी शैलीमा अगाडि भनिएको छ, ‘जसरी अंग्रेजहरूलाई नेपालबाट भएका थियौँ, त्यसैगरी भगाउन नपरोस् । बर्षौँदेखिको नेपाल–भारतको सम्बन्धलाई सकेसम्म राम्रै बनाउन कोसिस गरियोस् ।’
‘यस बिषयमा नेपाल सरकारसँग हामी प्रबासमा रहेका नेपालीहरूको सतप्रतिशत साथ र सहयोग रहनेमा ढुक्क रहन आग्रह गर्दै तुरुन्तै समस्या समाधानका लागि चाँडोभन्दा चाँडो आधिकारिक निर्णयसहित अगाडि बढ्न आग्रह गर्दछौँ,’ विज्ञप्तिमा भनिएको छ ।
मुलुकको सार्वभौमिकता र भौगोलिक अखण्डताजस्तो संवेदनशील विषयसँग सम्बन्धित यो मुद्दामा नेपाल सरकार, आमनेपाली नागरिक एवं विदेशस्थित सम्पूर्ण नेपाली समुदाय एकसाथ उभिनुपर्ने जनाउँदै नेकपाको प्रवास संगठन प्रवासी नेपाली मञ्चका अध्यक्ष चनाक पोखेरलद्वारा हस्ताक्षरित विज्ञप्तिमा सीमाना रक्षाका लागि सम्पूर्ण प्रबासी नेपालीहरू साथमा रहेको जनाइएको छ ।
प्रकाशित मिति: सोमबार, कात्तिक २५, २०७६ ०७:४३
-1745656903.jpeg)