योगेन्द्र योगी
दोहा– कतारमा कार्यरत जो कोहीले पनि बिदामा बस्नुअघि करार सम्झौतापत्र, कतारी भिसा र रोजगारदाता कम्पनीको परिचयपत्र (आइडी) लिएर मात्र बिदामा नेपाल फर्कन कतारस्थित नेपाली दूताबासले आग्रह गरेको छ ।
राजदूताबासले सूचना जारी गर्दै आफू कार्यरत कम्पनीमा काममा पुनः फर्कने गरी बिदामा नेपाल जाने नेपालीहरूको हकमा बिदामा जानुपूर्व रोजगार, करार सम्झौतापत्र, कतारी भिसा र आइडीमा उल्लेख भएको पेसा खासगरी ड्राइभरअपरेटरजस्ता पेसा भएकाहरूले आङ्खनो प्राविधिक दक्षता तथा सीपसँग मिल्ने प्रमाणपत्र अनिवार्य रूपमा साथमा लिएर मात्र बिदामा जानुपर्ने छ ।
विभिन्न मुलुकमा वैदेशिक रोजगारीमा जाने कामदारहरूका लागि पुनः श्रम स्विकृति लिने प्रक्रियामा कठिनाइ उत्पन्न भएको भन्दै वैदेशिक रोजगार विभागले पठाएको पत्रका आधारमा कतारमा कार्यरत नेपालीहरूका लागि दूताबासले जनाएको हो ।
कामदारहरूका भिसा, कम्पनीसँग भएको सम्झौता तथा नेपालस्थित वैदेशिक रोजगार विभागअन्तर्गत कार्यालयबाट जारी हुने श्रम स्विकृति सम्बन्धी विवरणमा पेसालगायत विवरणमा एकरूपता नहुँदा आवश्यक काजगातको अभावमा पुनः श्रम स्विकृति दिन असम्भव देखिएको भन्दै श्रम रोजगार तथा सामाजिक सुरक्षा मन्त्रालय, वैदेशिक रोजगार विभागले पठाएको पत्रका आधारमा यस्तो सूचना जारी गरेको दूताबासले जनाएको छ ।
हाल कार्यरत पेसा र रोजगार करार सम्झौता वा कतारी आइडिमा उल्लेख भएको पेसा फरक परेको भए बिदामा नेपाल जानुअघि आफू कार्यरत कम्पनीलाई अनुरोध गरी आङ्खनो पेसाबमोजिमको काजगात बनाएर मात्र नेपाल फर्किन दूताबासले अनुरोध गरेको छ ।
