काठमाडौं– नेपालीहरूको श्रम गन्तव्य मुलुक ओमान जान अब पीसीआर परिक्ष गर्नु नपर्ने भएको छ । ओमान जाने व्यक्तिहरूले ओमान सरकारले मान्यता दिएको खोपको पुरा मात्रा लगाएको भए पीसीआर परीक्षण गर्नु नपर्ने भएको हो ।
पुरा मात्रा खोप लगाएको व्यक्तिले पनि ओमान उड्नुभन्दा अघि पीसीआर परीक्षण गरेको नेगेटिभ रिपोर्ट देखाउनु पर्ने नियम परिवर्तन गरेको जनाइएको छ । ओमान सरकारले मान्यता दिएका खोप लगाएको क्युआर कोडसहितको प्रमाणपत्र भएका यात्रुले अब हवाई मार्गबाट ओमान प्रवेश गर्न पाउने र त्यसका लागि पीसीआर परीक्षण गर्न नपर्ने त्यहाँ रहेको नेपाली दूतावासले जनाएको छ ।
ओमानले जोनसन एण्ड जोनसन खोपको एक मात्रा लगाएको र अन्य खोपको हकमा दुवै मात्रा लगाएको हुनु पर्ने नियम राखेको छ । ओमानले ८ वटा खोपलाई मान्यता दिएको छ । फाइजर, स्पुतनिक लाइट, स्पुतनिक भी, जोनसन एण्ड जोनसन, कोभिडसिल्ड अस्ट्राजेनेका लगायत रहेका छन् ।
यस्तै, ओमान सरकारको यसअघिको निर्णय अनुसार ओमानबाट यात्रा गर्ने क्रममा आवश्यक पर्ने यात्रा प्रमाणपत्र बनाउन नपर्ने भएको छ भने पीसीआर रिपोर्टलाई त्यहाँको स्वास्थ्य मन्त्रालयबाट प्रमाणीकरण पनि गर्नु नपर्ने दूतावासले जारी गरेको सूचनामा उल्लेख गरिएको छ ।
ओमान जानका लागि पीसीआर रिपोर्ट नचाइने भए पनि नेपाल आउँदा ७२ घण्टा भित्रको पीसीआर रिपोर्ट र सीसीएमसीको फारम भर्नु पर्ने जनाइएको छ ।
-1752335779.jpg)
