कन्सुलर सेवा त्रिपुरेश्वरबाट

वैदेशिक रोजगार

Home
वैदेशिक रोजगार
कन्सुलर सेवा त्रिपुरेश्वरबाट

कन्सुलर सेवा त्रिपुरेश्वरबाट

प्रभाव संवाददाता आइतबार, फागुन १, २०७८

consular

काठमाडौं– कन्सुलर सेवा विभागले आज (आइतबार)देखि त्रिपुरेश्वरबाट सेवा दिने भएको छ । विभागको आङ्खनै नयाँ भवन निर्माण सम्पन्न भएकाले नयाँ स्थानबाट सेवा दिने तयारी गरेको हो । यसअघि नारायणहिटीबाट विभागले सेवा प्रदान गर्दै आएकोमा आइतबारबाट भने आङ्खनै नयाँ भवनबाट सेवा दिने गरी आवश्यक सबै तयारी पूरा भएको विभागले जनाएको छ । विभागका महानिर्देशक धनबहादुर वलीका अनुसार विभागले आङ्खनै भवनबाट सेवा दिने तयारी पूरा भएको छ । योभन्दा पहिले नारायहिटीमै रहेको राहदानी विभाग त्रिपुरेश्वरको नवनिर्मित भवनमा सरिसकेको छ । भवन स्थानान्तरणको क्रममा एकदुई दिन टेलिफोन सेवा अवरुद्ध भए पनि चाँडै नै ११५२ नम्बरको टोल फ्री फोन सेवा सञ्चालनमा ल्याउने पनि उनले जानकारी दिएका छन् । यस्तै, उनका अनुसार कन्सुलर सेवालाई थप प्रभावकारी बनाउन ह्वाट्सअप तथा भाइबरबाट पनि सेवा प्रदान गर्ने तयारी भइरहेको छ । विदेशमा रहेका नेपाली नागरिकलाई पनि सजिलै सेवा लिन सक्ने गरी भाइबर र ह्वाट्सअपबाट पनि सेवा प्रदान गर्ने तयारी भइरहेको जानकारी दिँदै महानिर्देशक वलीले भने, ‘कुनै पनि सेवाग्राही तथा पीडितका परिवारले फोन गरेर वा भाइबर, ह्वाट्सअपमार्फत सेवा लिन सक्नुहुन्छ । त्यसबाट नै उहाँलाई कहाँ जाने, के गर्नेलगायतका जानकारी प्रदान गरिनेछ ।’ विभागले आङ्खना सेवालाई पालिकास्तरबाटै प्रदान गर्ने तयारी पनि गरिरहेको छ । मोबाइल एप निर्माण गरेर त्यसबाट पनि सेवा प्रदान गर्ने गरी काम अघि बढिरहेको महानिर्देशक वलीले बताएका छन् । कन्सुलर सेवा विभागले विदेशमा रहेका नेपालीहरूका हकहितको सुरक्षा, उद्धार, क्षतिपूर्तिको पहल, कन्सुलर प्रमाणीकरणको काम गर्छ । यस्तै विदेशी नियोग तथा कूटनीतिक पदाधाकरीहरूलाई प्रदान गरिने सुविधा, नेपाल सरकारको मनोनयनमा विदेश भ्रमण गर्ने पदाधिकारीहरूका लागि सम्बन्धित देशको प्रवेशाज्ञाको लागि सिफारिस गर्नेलगायतका कामहरू पनि कन्सुलर विभागले गर्छ ।

प्रकाशित मिति: आइतबार, फागुन १, २०७८ ०६:४६

प्रतिक्रिया दिनुहोस्