काठमाडौं– साउदी अरबस्थित नेपाली दूतावासले एमआरपी पासपोर्ट नवीकरणको कार्य स्थगित गरेको छ । केही हप्ताभित्रै विद्युतीय राहदानी (ई–पासपोर्ट) जारी गर्ने तयारी भइरहेको भन्दै दूतावासले ३० जनवरीदेखि १७ फेब्रुअरीसम्मका लागि यन्त्रवाचक राहदानी (एमआरपी) नवीकरण स्थगित गरेको हो ।
दूतावासले सूचना जारी गर्दै तत्काल अत्यावश्यक नभएमा राहदानी नवीकरणका लागि आवेदन नदिन पनि अनुरोध गरेको छ । दूतावासद्धाारा जारी सूचनामा ई–पासपोर्ट बनाउने प्रक्रिया, आवश्यक कागजातलगायत विषयमा केही दिनभित्रै अर्को सूचना जारी गरिनेसमेत जनाएको छ । ई–पासपोर्ट प्रणाली जडान गर्ने कार्यलगायत अन्य तयारी गर्नुपर्ने भएका कारण एमआरपी नविकरणको काम स्थगित गरिएको दूतावासले जनाएको छ ।
तत्काल साउदी इकामा नविकरण गर्नुपर्ने अवस्था आएको र त्यसका लागि नयाँ राहदानी आवश्यक पर्ने भएको खण्डमा एमआरपी नविकरणका लागि आवेदन दिन दूतावासले भनेको छ । यस्तो अवस्था भएका नेपालीलाई दूतावासको राहदानी शाखामा काम गर्ने कर्मचारीहरूलाई सम्पर्क गरेर अग्रिम समय लिएर दूतावासमा आउन आग्रह गरिएको छ । अग्रिम समय नलिई आउनेहरूको आवेदन नलिईने पनि दूतावासले जनाएको छ ।
-1745656903.jpeg)