काठमाडौं– विदेशबाट नेपाल फर्किँदा आइसोलेसनमा अनिवार्य बस्नु पर्ने भएको छ । विदेशबाट फर्किएका तर पूरा खोपको मात्रा नलगाएकाहरूले एन्टिजेन परीक्षण गर्नु पर्ने र त्यसमा रिपोर्ट पोजेटिभ आएको खण्डमा आइसोलेसन वा अस्पतालमा १० दिन बस्नु पर्ने भएको हो ।
आइसोलेसन वा अस्पतालमा बसेको १० दिनपछि पुनः परीक्षण गर्दा रिपोर्ट नेगेटिभ आएमा मात्रै गन्तव्यमा जान पाइने बताइएको छ । त्यस्तै वैदेशिक रोजगारीमा गएका तर सम्बन्धित देशले फिर्ता गरेका, विदेशी देशले डिपोर्ट गरेका वा बेखर्ची अवस्थामा स्वदेश फर्केका नेपालीको हकमा भने कोरोनाविरुद्धको खोपको मात्र पूरा गरेको र नेपाल प्रवेश गर्नुभन्दा ७२ घन्टाअघिको कोरोना परीक्षण रिपोर्ट नेगेटिभ भई कुनै लक्षण नदेखिएकाहरूलाई भने सिधै गन्तव्यमा जान दिइने जनाइएको छ ।
नेपाल सरकारको ३० पुसको मन्त्रिपरिषद्को बैठकले यस्ता मापदण्ड तोकेको हो ।वैदेशिक रोजगारीबाट फर्कँदा कोरोनाविरुद्धको खोपको दुवै मात्रा पूरा गरेको १४ दिन पूरा गरेका नेपाली नागरिक र गैरआवासीय नेपालीहरू नेपाल आउँदा उडान हुनुभन्दा ७२ घन्टाभित्रको कोरोना नेगेटिभ भएको प्रमाणपत्र पेश गर्नु पर्ने बताइएको छ । त्यसका लागि सिसिएमसीको वेबसाइटमा रहेको फारम भरेर त्यसको प्रति प्रिन्ट गरेर साथमा राख्नु पर्ने भएको छ । नेपाल आएपछि गरिएको परीक्षणमा रिपोर्ट नेगेटिभ आएमा ५ दिनसम्म होम क्वारेन्टाइनमा बस्ने गरी गन्तव्यमा जान दिइने बताइएको छ ।
-1745656903.jpeg)