काठमाडौं– नेपालीहरूको प्रमुख श्रम गन्तव्य खाडी मुलुकहरूमा पछिल्लो समय कोरोना संक्रमण बढ्दै गएको देखिएको छ । डिसेम्बरको सुरुसम्म घट्दै गएको कोरोना संक्रमण दर डिसेम्बरको अन्तिमदेखि फेरि बढ्न थालेको हो ।
खाडी मुलुकहरूमा डिसेम्बरको सुरुमा दैनिक १ सयभन्दा कममा संक्रमण पष्टि हुने गरेकोमा जनवरीको सुरुदेखि बढेर दैनिक १ हजार देखि ५ हजारसम्म पुगेको तथ्यांकले देखाएको छ । कोरोना संक्रमणदर बढ्न थालेपछि सम्बन्धित मुलुकले स्वास्थ्य मापदण्डमा थप कडाइसमेत गर्न थालेका छन् । त्यसका साथै खोपको दुई मात्रा पूरा गरेकाहरूलाई बुस्टर जोड लगाउन पनि ती देशहरूले आग्रह गरिरहेका छन् ।
कोरोनापछि नेपालबाट सबैभन्दा धेरै श्रमिक गएको देश साउदी र कतारमा पछिल्लो समय दैनिक रूपमा कोरोना संक्रण पुष्टि हुनेको संख्या बढ्दै गएको देखिएको छ । कोरोनाको तथ्यांक सार्वजनिक गर्ने वल्ड्रोमिटरका अनुसार साउदीमा पछिल्लो समय दैनिक ५ हजारभन्दा बढीमा कोरोना संक्रणम पुष्टि भइरहेको छ । त्यहाँ सोमबार मात्रै ५ हजार ५ सय ५ जनामा कोरोना संक्रमण पुष्टि भएको तथ्यांकले देखाएको छ । यो संख्या डिसेम्बर ३१ म ८ सय १९ रहेको थियो । जनवरीको सुरुदेखि संक्रमितो संख्या बढ्न थालेको देखिएको हो ।
साउदीमा हालसम्म ६ लाख २० हजार ९ सय ३५ जनामा कोरोना संक्रमण पुष्टि भएको छ । त्यसमध्ये ५ लाख ६९ हजार २ सय ९६ जना निको भएको तथ्यांकले देखाएको छ । कोरोनाका कारण मृत्यु हुनेको संख्या ८ हजार ९ सय ८ जना पुगेको साउदीमा अहिले सक्रिय संक्रमितको संख्या ४२ हजार ७ सय ३१ जना रहेको छ । यता अर्को प्रमुख श्रम गन्तव्य मुलुक कतारमा पनि पछिल्लो समय दैनिक ३ हजारभन्दा बढी संक्रमित थपिँदै गएका छन् । डिसेम्बरको सुरुदेखि त्यहाँ संक्रमितको संख्या उकालो लागेको देखिएको छ । नोभेम्बरमा १ सयभन्दा कम संक्रमित देखिएको कतारमा डिसेम्बर लाग्दा ५ सयभन्दा बढी पुगेको देखिन्छ । डिसेम्बर अन्तिममा ५ सय २४ जनामा संक्रमण पुष्टि भएको त्यहाँ जनवरी १७ अर्थात् सोमबार ३ हजार ९ सय ९८ जनामा संक्रमण पुष्टि भएको तथ्यांकले देखाएको छ ।
त्यस्तै आइतबार ४ हजार २१ र शनिबार ४ हजार ७ जनामा संक्रमण पुष्टि भएको देखिएको छ । कतारमा हालसम्म संक्रमित हुनेको संख्या ३ लाख ३ हजार २ सय ४० जना पुगेको छ । जसमध्ये २ लाख ६० हजार ८ सय ९६ जना निको भएका छन् । खाडीका मुलुकमध्ये कोरोनाबाट मृत्यु हुनेको संख्या कतारमा थोरै रहेको छ । जहाँ हालसम्म ६ सय २७ जनाको मृत्यु भएको छ । कतारले पछिल्लो समय स्वास्थ्य मापदण्डमा कडाइ गर्नुका साथै कतार प्रवेशमा समेत कडाइ गर्दै लगेको स्थानीय सञ्चार माध्यमले जनाएका छन् ।
त्यस्तै युएई अहिले दैनिक २ हजार भन्दा बढीमा कोरोना संक्रमण पुष्टि भइरहेको छ । यो संख्या डिसेम्बर महिनाको सुरुमा १ सय भन्दा कम थियो । डिसेम्बर २ तारिखमा ६८ जनामा कोरोना संक्रमण पुष्टि भएको देखिएको त्यहाँ डिसेम्बर १४ मा आइपुग्दा दैनिक १ सय १० को हाराहारीमा पुगेको देखिन्छ । यो संख्या जनवरी पछि अझ बढेको देखिन्छ । दैनिक बढ्दै गएको संख्या सोमबार २ हजार ९ सय ८९ जना पुगेको छ । यो संख्या आइतबार ३ हजार ६७ जना हरेको थियो । युएइमा कोरोनाबाट हालसम्म ८ लाख ८ हजार २ सय ३७ जना संक्रमित भएका छन् भने ७ लाख ६१ हजार २ सय १३ जना निको भएको तथ्यांकले देखाएको छ । त्यहाँ कोरोनाबाट मृत्यु हुनेको संख्या २ हजार १ सय ९५ जना जना पुगेको छ भने हाल सक्रिय संक्रमितको संख्या ४४ हजार ८ सय २९ जना रहेको छ ।
यता ३ लाख १४ हजार ८ सय ५३ जना संक्रमित रहेको ओमानमा पनि डिसेम्बर देखि संक्रमितको संख्या बढ्दै गएको देखिएको छ । अक्टोबर डिसेम्बरमा दैनिक १० जना भन्दा कम संक्रमित देखिने ओमानमा अहिले दैनिक १ हजारभन्दा माथि संक्रमित थपिने गरेका छन् । डिसेम्बर २ तारीखमा ९ जनामा संक्रमण पष्टि भएको ओमानमा डिसेम्बर अन्तिममा १ सय ३२ जना पुगेको देखिएको छ । यो संख्या बढ्दै गएर जनवरी १८ अर्थात मंगलबार १ हजार ३ सय १५ पुगेको छ । सोमबार यो संख्या १ हजार १ सय १३ रहेको थियो ।
ओमानमा हालसम्म ३ लाख १४ हजार ८ सय ५३ जनामा संक्रमण पुष्टि भएको छ भने ३ लाख २ हजार ७ सय ६२ जना निको भएका छन् । त्यहाँ मृत्यु हुनेको संख्या ४ हजार १ सय २२ जना रहेको तथ्यांकले देखाएको छ । अहिले सक्रिय संक्रमितको संख्या ७ हजार ९ सय ६९ जना रहेको देखिएको छ । मे देखि डिसेम्बरसम्म १ सय भन्दा कम सक्रमित थपिएको बहराइनमा पनि पछिल्लो समय २ हजारभन्दा बढीमा संक्रमण पुष्टि भइरहेको छ । मे देखि डिसेम्बरसम्मको बीचमा सबैभन्दा बढी ३० डिसेम्बरमा १ हजार ५ सय १५ जनामा संक्रमण पुष्टि भएको थियो । यो संख्या १७ जनवरीमा आइपुग्दा २ हजार ८ सय ९८ पुगेको वल्ड्रोमिटरले देखाएको छ । बहराइमा हालसम्म ३ लाख १० हजार ९ सय ६ जनामा संक्रमण पुष्टि भएको छ । त्यसमध्ये २ लाख ८८ हजार ३ सय २३ जना निको भएको देखिएको छ । त्यहाँ कोरोनाबाट मृत्यु हुनेको संख्या १ हजार ३ सय ९८ जना रहेको छ । सक्रिय संक्रमितको संख्या २१ हजार १ सय ८५ जना रहेको छ ।
यता कोरोना महामारी पछि नेपाली श्रमिकका लागि खुला नभएको मलेसियामा भने संक्रमितको दर एकनासकै देखिएको छ । मलेसियामा अहिले पनि दैनिक २–३ हजारको हाराहारीमा संक्रण पुष्टि भइरहेको देखिएको छ । त्यहाँ सोमबार मात्रै २ हजार ३ सय ४२ जनामा संक्रमण पुष्टि भएको थियो भने आइतबार ३ हजार १० जनामा संक्रमण पुष्टि भएको थियो । मलेसियामा हालसम्म कोरोना संक्रमणबाट २८ लाख १० हजार ६ सय ८९ जना संक्रमित भएको तथ्यांकले देखाएको छ । जसमध्ये २७ लाख ३८ हजार २ सय ६२ जना निको भएका छन् । त्यहाँ सक्रिय संक्रमितको संख्या ४० हजार ६ सय १९ जना रहेको छ भने ३१ हजार ८ सय ८ जनाको मृत्यु भएको वल्ड्रो मिटरको तथ्यांकले देखाएको छ ।
-1745656903.jpeg)