काठमाडौं– श्रम रोजगार तथा सामाजिक सुरक्षा मन्त्री कृष्णकुमार श्रेष्ठले १ सय दिनको अवसरमा वैदेशिक रोजगारीलाई व्यवस्थित बनाउने आधार तयार भएको बताएका छन् । १ सय दिनमा गरेको कामका विवरण सार्वजनिक गर्दै मन्त्री श्रेष्ठले वैदेशिक रोजगारीलाई व्यवस्थित गर्न र आन्तरिक रोजगारीको अवसर सिर्जनाका लागि आधार तयार भएको बताएका हुन् ।
सोमबार जिम्मेवारी सम्हालेको सय दिन पूरा भएको अवसरमा मन्त्री श्रेष्ठले गरेका कामहरूको सूची सार्वजनिक गरिएको छ । त्यस्तै मन्त्री श्रेष्ठले सचूना प्रविधिको अधिकतम् उपयोग गरी श्रम स्विकृतीलाई पेपरलेस बनाई सहज रूपमा सेवा प्रदानको सुरुवात, आन्तरिक रोजगारीको प्रवद्र्धन, सेवा प्रवाहमा सहजीकरण, संगठन व्यवस्थापन र सुधार, सामाजिक सुरक्षालगायत क्षेत्रमा सुधारको काम भएको मन्त्रीले सार्वजनिक गरेको सूचीमा जनाइएको छ ।
मन्त्री श्रेष्ठले १ सय दिनको अवधिमा गरेको ३५ बुँदे सुधारको काम गरेको दाबीसहित सो विवरण पेस गरेका छन् । त्यस्तै वैदेशिक रोजगारीमा जाने श्रमिकलाई सहज सेवा प्रदानका लागि व्यवस्था मिलाइएको पनि मन्त्रीले सार्वजनिक गरेको विवरणमा उल्लेख गरिएकको छ । यसैबीच, श्रमीकले सेवा लिँदा बिचौलिया तथा दोस्रो पक्षको सहायता लिनु पर्ने समस्या समाधानका लागि पनि कार्य भएको मन्त्रीले सार्वजनिक गरेको प्रगति विवरणमा उल्लेख गरिएको छ । जिम्मेवारी सम्हालेको १ सय दिनको अवधिमा श्रम कार्यालयहरूमा बिचौलिया निषेध गरिएको र सहज बनाउनका लागि हाल कार्यान्वयनमा रहेको कार्यविधि तथा निर्देशिका संसोधनको गृहकार्यसमेत भएको बताइएको छ ।
वैदेशिक रोजगारीका क्षेत्रमा देखिएका समस्याहरू हेर्नका लागि छुट्टै प्रहरीको व्यवस्थापन गर्ने काम पनि अन्तिम चरणमा पुगेको मन्त्री श्रेष्ठले दाबी गरेका छन् । साथै वैदेशिक रोजगारीको सिलसिलामा समस्यामा परेकाहरको उद्धार गर्नका लागि ¥यापिड रेस्पोन्स टोली निर्माण गरिएको, लामो समयदेखि रोकिएको दक्षिण कोरिया र इजरायलमा श्रमिक पठाउने कार्य पनि सुरु गरिएको तथा इपिएस कोरियाको नवीकरण गर्ने कार्यलाई पनि उपलब्धिका रुरूमा प्रस्तुत गरिएको छ ।
साथै १ सय दिनको अवधिमा बेलायतसँग श्रमसम्झौता गरेर नेपाली नर्स पठाउने अन्तिम तयारी, नयाँ श्रम गन्तव्य मुलुक खोज्नेदेखि सम्झौता गर्ने तथा नवीकरणको कामलाई समेत उपलब्धिका रुरूमा प्रस्तुत गरिएको छ । यसका साथै वैदेशिक रोजगार नीति परिमार्जनका लागि विज्ञ टोली गठन गरी एक महिनाको समय दिएको तथा वैदेशिक रोजगारीका क्षेत्रमा देखिएका समस्या र चुनौतिलाई व्यवस्थापन गर्नका लागि कार्यदल निर्माण गर्ने र १ सय दिनको अवधिमा ३ हजार ८ सय २० जनालाई तालिम दिने गरी विभिन्न शैक्षिक संस्थासँग सम्झौता भएको गरिएको पनि मन्त्री श्रेष्ठले बताएका छन् ।
यता आन्तरिक रोजगारी सिर्जना गर्नका लागि प्रधानमन्त्री रोजगार कार्यक्रमको पारिश्रमिक वृद्धि, दुर्घटना बिमाको व्यवस्था गर्नु तथा यो कार्यक्रमले शिक्षा र स्वास्थय क्षेत्रलाई समेट्ने गरी संसोधन गरिएको उल्लेख गरिएको छ । साथै घरेलु श्रमिकका रुरूमा महिला श्रमिकलाई पठाउने कार्यलाई व्यवस्थित बनाउनका लागि अन्तर्राष्ट्रिय अभ्यासको अध्ययन गर्न कार्यदल बनाउनुको बनाइएकोलगायत कार्यक्रमहर प्रस्तुत गरिएको छ ।
