काठमाडौं– नेपाल लोकतान्त्रिक वैदेशिक रोजगार व्यवसायी एसोसिएसनले बागी उम्मदेवारलाई कारबाहीको चेतावनी दिएको छ । नेपाल वैदेशिक रोजगार व्यवसायी संघको चुनावमा बागी उम्मेदवारले नाम फिर्ता नलिए एसोसिएसनले कारबाहीस् गर्ने भएको हो ।
एसोसिएसनको आधिकारिक उम्मेदवारविरुद्धमा एसोसिएसनकै तर्फबाट उम्मेदवार बनेकाहरूलाई एसोसिएनले सदस्यसमेत नरहने गरी कारबाही गरिने जनाएको छ । संघको चुनावका लागि खटाएका केन्द्रीय सदस्य सुरेन्द्रराज पाण्डेका अुनसार संस्थागत निर्णयभन्दा बाहिर गएर उम्मेदवार बनेका व्यक्तिहरलाई एसोसिएसनको सदस्यबाट हटाइनुका साथै अन्य जिम्मेवारीबाट पनि हटाउनका लागि पार्टीलाई आग्रह गरिने छ ।
संघको निर्वाचन सर्वसम्मत गर्ने सहमतिअनुसार एसोसिएसनको भागमा परेका उम्मेदवारहरूको नाम सर्वसम्मत रूपमा चयन गरिएको र एसोसिएसनमा आबद्ध व्यक्तिहरूले नै सोही पदमा सहमतिको विपरीत उम्मेदवारी दिएको भन्दै उनीहरूलाई फिर्ता लिनका लागि आग्रह गरिएको र नलिएको खण्डमा सदस्यबाटै हटाउनेसमेतको एसोसिएसनले जनाएको छ । संघको चुनावका लागि सोमबार उम्मेदवारी दर्ता भएको र मंगलबार फिर्ता लिने समय तोकिएको छ । एसोसिएसनबाट निष्काशन गर्नुका साथै पार्टीको सबै जिम्मेवारीबाट हटाउनका लागि समेत पार्टीलाइ सिफारिस गरिने एसोसिएसनले जनाएको छ ।
-1745656903.jpeg)